Украінскія ўлады ўвялі поўную забарону на перамяшчэнне ў прыфрантавым Херсоне
Каменданцкая гадзіна будзе дзейнічаць 58 гадзін.
Як абвясціў у сераду кіраўнік адміністрацыі горада Аляксандр Пракудзін, каменданцкая гадзіна будзе дзейнічаць з вечара 5 мая да раніцы 8 мая, паведамляе Бі-бі-сі.
«Цягам гэтых 58 гадзін перасоўвацца і знаходзіцца на вуліцах горада забаронена. Таксама горад будзе закрыты на ўезд і выезд», — абвясціў Пракудзін.
Кіраўнік адміністрацыі сцвярджае, што гэта зроблена для таго, каб дапамагчы праваахоўным органам у іх працы.
Раней такія захады рабіліся ў Кіеве падчас абароны горада і ў іншых гарадах напярэдадні вялікіх ваенных аперацый.
Таксама сёння Расія атакавала адзіны гіпермаркет, што працаваў у горадзе. Акупанты ўдарылі па «Эпіцэнтры». Вядома пра траіх загінулых і пяцярых параненых.
Чытайце таксама:
Расіяне атакавалі Кіеў «Шахедамі». Усе варожыя дроны былі збітыя
ФСБ сцвярджае, што раскрыла агентаў ГУР Мінабароны Украіны, якія планавалі дыверсіі ў Крыме
У акупаванай Ялце хлопец сказаў у апытанцы, што ён за Украіну. Яго прымусілі выбачацца на камеру