Міністр абароны Украіны дапусціў, што Расія рыхтуе новы жэст «добрай волі»
Міністр абароны Украіны Аляксей Рэзнікаў мяркуе, што з-за паразаў на полі бою РФ можа агучыць чарговы «жэст добрай волі» на падставе тэхнагеннай катастрофы на тэрыторыі сваёй краіны. Пра гэта ён заявіў у інтэрв'ю агенцтву «Інтэрфакс-Украіна».
Аляксей Рэзнікаў. Фота: Віталь Носач, РБК-Украіна
Па словах міністра, у Крамлі ўжо шукаюць варыянты магчымых сцэнарыяў, якім чынам можна апраўдаць унутры свайго грамадства чарговы поспех украінскага войска.
Кіраўнік ведамства выказаў здагадку, што ў Крамлі ўжо шукаюць варыянты сцэнарыяў, як гэта «адыграць», і не выключана, што будзе «жэст добрай волі» пад выглядам нейкага катаклізму.
«Калі ўжо паназіраць за шэрагам публічных выказванняў на расійскіх рэсурсах, то можна ўбачыць, што ўжо гучаць фразы: маўляў, «трэба, напэўна, заканчваць СВА», «трэба пераходзіць да абароны», «трэба ўтрымаць нашы «новыя» тэрыторыі».
Бо ў выпадку чарговага поспеху ўкраінскай арміі, які з'яўляецца абсалютна чаканым і для іх, трэба разумець, як «прадаваць» у сябе ўнутры, як падаваць гэта народу? У іх жа таксама перагрэтыя былі чаканні: Кіеў за тры дні і т. зв. «СВА» за тры тыдні. І хоць прапаганда ў РФ працуе выдатна, але з кожным разам усё больш складана…
Гэта не мой прагноз, а разважанне, але ўсё ж я не здзіўлюся, калі ў іх з'явіцца ў сцэнары нейкая праблема, сур'ёзнага катастрафічнага выгляду, тэхнагеннага, на тэрыторыі Расіі», — сказаў Аляксей Рэзнікаў.
Раней «жэстам добрай волі» Расія назвала адыход з вострава Змяіны, праўда, потым неаднаразова яго бамбіла.
Чытайце таксама:
«Глабальна мы гатовыя». Рэзнікаў расказаў, калі пачнецца ўкраінскі контрнаступ
Залужны сустрэўся з галоўнакамандуючым войскаў НАТА ў Еўропе
Прыгожын пагражае адступленнем з Бахмута, называе сітуацыю крытычнай
