Беларус і ўкраінка загінулі ў аўтакатастрофе, едучы са спаткання
Недалёка ад Варшавы днямі адбылася аварыя: беларус і ўкраінка, вяртаючыся са спаткання, урэзаліся ў дрэва і абое загінулі. Пра падрабязнасці трагічнай аварыі напісала выданне Most.
Фота: se.pl
3 красавіка 2023 года беларус і ўкраінка вярталіся са спаткання. Пад горадам Валомін Мазавецкага ваяводства іх аўтамабіль урэзаўся ў дрэва.
Фота: se.pl
26-гадовая ўкраінка хутка памерла ў бальніцы, куды яе шпіталізавалі медыкі, якія прыехалі на месца здарэння. А 34-гадовага беларуса забраў верталёт хуткай медыцынскай дапамогі і ён яшчэ нейкі час змагаўся за жыццё, знаходзячыся ў крытычным стане. Аднак траўмы аказаліся несумяшчальнымі з жыццём і ўрэшце мужчына памёр.
Фота: se.pl
Гэтую інфармацыю 26 красавіка пацвердзілі выданню se.pl у прэс-службе акруговай пракуратуры ў Варшаве.
Фота: se.pl
Паводле неафіцыйнай інфармацыі, мужчына, які знаходзіўся за рулём аўтамабіля, значна перавысіў хуткасць. Паліцыянты паведамлялі, што машына ехала па трасе з хуткасцю ажно 220 км/г.
Чытайце таксама:
У Аўстрыі беларус на фуры ўрэзаўся ў легкавік, за рулём якога быў 87-гадовы мясцовы жыхар
Нецвярозы падлетак пашкодзіў тры аўтамабілі ў Мінску
У Дзюсельдорфе беларус параніў жонку нажом. Яго лавілі 10 паліцэйскіх машын
