Тайланд з 9 студзеня будзе патрабаваць у турыстаў сертыфікаты аб вакцынацыі
З 9 студзеня і як мінімум да канца месяца пасажыры, якія ляцяць у Тайланд, павінны прад'явіць пры пасадцы на рэйс сертыфікат аб вакцынацыі ад каранавіруса, піша Bangkok Post са спасылкай на Упраўленне грамадзянскай авіяцыі Тайланда (CAAT).
Новаўвядзенне закране ўсе рэйсы, якія прылятаюць у краіну пазней 1:00 9 студзеня па мясцовым часе (21:00 па Мінску 8 студзеня).
Акрамя сертыфіката аб вакцынацыі можна будзе прад'явіць даведку аб тым, што турыст перанёс COVID-19 у апошнія шэсць месяцаў, або дакумент, які пацвярджае супрацьпаказанні да вакцынацыі. Патрабаванне адносіцца толькі да асобаў, старэйшых за 18 гадоў.
На сайце CAAT гаворыцца, што Тайланд прымае прышчэпленых 16 вакцынамі, у тым ліку AstraZeneca, Pfizer, Moderna і расійскімі «Спутнік V» і «Спутнік Лайт».
