Bloomberg: Ва ўрадзе Расіі прадставілі закрыты даклад аб уплыве санкцый на эканоміку. Ён не абрадаваў пуцінскіх чыноўнікаў
У дакладзе эксперты паспрабавалі ацаніць уплыў санкцый, уведзеных супраць Расіі з-за ўварвання ва Украіну. 30 жніўня даклад, які рыхтавалі некалькі месяцаў, прадставілі на закрытай сустрэчы высокапастаўленых чыноўнікаў.
Сапраўднасць справаздачы агенцтву Bloomberg пацвердзілі крыніцы, знаёмыя з ходам абмеркавання. Прагнозы экспертаў кантрастуюць з аптымістычнымі заявамі чыноўнікаў. У дакуменце гаворыцца, што Расія можа сутыкнуцца з больш працяглай і глыбокай рэцэсіяй праз санкцыі Захаду, якія пагражаюць важным сектарам расійскай эканомікі.
У дакуменце ёсць тры сцэнарыі развіцця эканомікі. Паводле двух з іх, у 2023 годзе падзенне ВУП паскорыцца, а эканоміка вернецца на даваенны ўзровень толькі ў канцы дзесяцігоддзя ці пазней. Трэці сцэнарый прагназуе аднаўленне эканомікі да даваеннага ўзроўню ў 2024 годзе.
Усе прадстаўленыя сцэнарыі прагназуюць, што санкцыйны ціск толькі ўзмоцніцца. Рэзкая адмова Еўропы ад расійскай нафты і газу можа стаць ударам для Крамля, гаворыцца ў дакладзе.
