У Фаніпалі больш за суткі праблемы з вадой
Вада знікла днём у мінулую нядзелю як у шматкватэрных дамах Фаніпаля, так і ў прыватным сектары. Кажуць, што адсутнасць вады звязана з прарывам у сеткі вадаправода ў раёне прадуктовага магазіна па вуліцы Якуба Коласа, піша Zerkalo.io.
У 22.00 у нядзелю камунальнікі запусцілі станцыю другога пад'ёму вады. Яны абяцалі, што на працягу гадзіны пасля таго ў горадзе з'явіцца вада, хоць напор будзе слабым. Вада сапраўды з'явілася, але з-за паніжанага напору даходзіць не да ўсіх. Часам вада вельмі брудная. А ў некаторых да вечара панядзелка вада знікла зноў.
Па стане на 18.00 24 студзеня КУП «Маладзечнаводаканал» паведаміў, што на станцыі другога ўздыму вады ідуць рамонтна-аднаўленчыя работы. З-за гэтага на тэрыторыі горада Фаніпаля вады цяпер няма. Камунальная арганізацыя абяцае падаць ваду ў горад у найбліжэйшыя гадзіны.