U Fanipali bolš za sutki prablemy z vadoj
Vada źnikła dniom u minułuju niadzielu jak u šmatkvaternych damach Fanipala, tak i ŭ pryvatnym siektary. Kažuć, što adsutnaść vady źviazana z praryvam u sietki vadapravoda ŭ rajonie praduktovaha mahazina pa vulicy Jakuba Kołasa, piša Zerkalo.io.
U 22.00 u niadzielu kamunalniki zapuścili stancyju druhoha padjomu vady. Jany abiacali, što na praciahu hadziny paśla taho ŭ horadzie źjavicca vada, choć napor budzie słabym. Vada sapraŭdy źjaviłasia, ale z-za panižanaha naporu dachodzić nie da ŭsich. Časam vada vielmi brudnaja. A ŭ niekatorych da viečara paniadziełka vada źnikła znoŭ.
Pa stanie na 18.00 24 studzienia KUP «Maładziečnavodakanał» paviedamiŭ, što na stancyi druhoha ŭzdymu vady iduć ramontna-adnaŭlenčyja raboty. Z-za hetaha na terytoryi horada Fanipala vady ciapier niama. Kamunalnaja arhanizacyja abiacaje padać vadu ŭ horad u najbližejšyja hadziny.
