Справу Марфы Рабковай і яшчэ дзевяці палітвязняў перадалі ў суд. Іх абвінавачваюць па 10 артыкулах
Справу ў дачыненні да валанцёркі «Вясны» Марфы Рабковай, Андрэя Чапюка і яшчэ васьмі палітвязняў перадалі ў суд. Хутка пачнецца працэс.
Марфа Рабкова. Фота з сацсетак
Пракуратура горада Мінска накіравала ў суд крымінальную справу ў дачыненні да дзесяці палітвязняў.
Марфу Рабкову, Андрэя Чапюка, Акіхіра Гаеўскага-Ханаду, Аляксандра Францкевіча, Аляксея Галаўко, Аляксандра Казлянка, Паўла Шпетнага, Мікіту Дранца, Андрэя Марача, Данілу Чуля абвінавачваюць у арганізацыі, кіраўніцтве ці ўдзеле ў анархісцкіх групах — «Революционное действие», «Народная самооборона», «Революцiйна дiя», і будуць судзіць за падзеі перыяду 2016-2020 гадоў. Матэрыялы справы складаюцца з 160 тамоў.
Усіх палітзняволеных у залежнасці ад ролі абвінавачваюць па 10 артыкулах Крымінальнага кодэкса.
Траіх з іх, у тым ліку Марфу Рабкову, СК характарызуе як «арганізатараў і кіраўнікоў шэрагу арганізаваных злачынных груп, што мелі аўтаномныя ячэйкі ў рэгіёнах Беларусі са сваімі лідарамі».
Марфе Рабковай пагражае да 15 гадоў калоніі
