Журналістку з Глыбокага Таццяну Смоткіну наведаў намеснік пракурора і нагадаў, што ў яе расце сын
10 снежня да журналісткі Таццяны Смоткінай завітаў намеснік пракурора Глыбоцкага раёна Ян Сасноўскі. Мэта візіту — правядзенне прафілактычнай гутаркі з журналісткай, паведамляе БАЖ.
Радыё Свабода
Намеснік пракурора распавёў, за што і паводле якіх артыкулаў цяпер могуць прыцягнуць да крымінальнай адказнасці. Параіў азнаёміцца на дзяржаўным сайце са спісам экстрэмісцкіх СМІ і тэлеграм-каналаў, за распаўсюджванне інфармацыі з якіх можа пагражаць крымінальная адказнасць.
Пасля нагадаў, што ў Таццяны расце сын, цяпер ён у падлеткавым узросце, і таму з ім таксама трэба праводзіць гутаркі рознага кшталту, у тым ліку, як правільна сябе паводзіць у прасторы інтэрнету.
Па выніку Ян Сасноўскі даў журналістцы падпісаць паперу, што з ёй была праведзеная прафілактычная гутарка.
