Беларусь прызналі парушальнікамі Орхускай канвенцыі, што займаецца пытаннямі навакольнага асяроддзя
Падчас пасяджэння ў Жэневе ўдзельнікі сустрэчы прызналі, што прымусовая ліквідацыя праз суд грамадскага аб'яднання «Экадом» з'яўляецца пераследам і прыгнётам НДА. Гэта першае ў гісторыі Орхускай канвенцыі рашэнне па Беларусі.
Рашэнне не толькі прызнае ліквідацыю арганізацыі парушэннем канвенцыі, але і прадугледжвае прыпыненне для Беларусі правоў і прывілеяў па канвенцыі, калі краіна не распачне крокі для аднаўлення рэгістрацыі Экадома да 1 снежня 2021 года.
Прыпыненне ўступіць у сілу з 1 лютага 2022 года.
За рашэнне прагаласавалі: 27 краін ЕС, а таксама Грузія, Ісландыя, Чарнагорыя, Нарвегія, Швейцарыя, Сербія, Вялікабрытанія.
Супраць — Казахстан, Кыргызстан, Арменія і Беларусь.
Устрымалася Малдова.
Агулам 34 краіны з 39 падтрымалі гэтае рашэнне і заклікалі Беларусь адмяніць рашэнне аб ліквідацыі Экадома.
Пасля выбараў 2020 года ў Беларусі адбыўся разгром грамадскага сектара, ліквідаваныя каля 150 грамадскіх арганізацыяў.
«Не НДА, НКА і іншая дрэнь». Лукашэнка прапанаваў «заканадаўча вызначыць грамадзянскую супольнасць»
