Tapuzidzis dabudoŭvaje svoj zamak nasuprać rezidencyi

Budynak stanie samym vialikim handlovym centram Biełarusi.

Na 3 lipienia ŭ Minsku byŭ zapłanavany ŭračysty ŭvod u ekspłuatacyju vieličnaha «Zamka» tytuniovaha miljaniera Paŭła Tapuzidzisa. Handlova-zabaŭlalny centr aryhinalnaha vyhladu paŭstaŭ prosta nasuprać novaj rezidencyi kiraŭnika dziaržavy. U zapłanavany čas budaŭničyja pracy tak i nie skončylisia. Vidać, «Zamak» absłužyć pieršych naviednikaŭ u adnu z nastupnych śviatočnych dat.

«Naša Niva» vybrała top-5 cikavych faktaŭ pra hrandyjoznuju budoŭlu.

Pałac handlu

93 tysiačy kvadratnych mietraŭ ahulnaj płoščy, tracinu ź jakich buduć zajmać handlovyja placoŭki, robiać «Zamak» rekardsmienam siarod handlova-zabaŭlalnych centraŭ krainy.

Farmat budynka praduhledžvaje, što siamja budzie pryjazdžać siudy ranicaj i vybiracca dachaty poźnim viečaram. Zabavak musić być stolki, kab usim pakaleńniam chapiła na ceły dzień. Hulać — dyk na šyrokuju ruku, vyrašyŭ Pavieł Tapuzidzis.

Takim čynam, pieršy pavierch zojmuć hipiermarkiet «Karona» i jahony «brat» pa prodažy techniki «Karona-Techna». Na druhim i trecim — kramy modnaha adzieńnia, kaviarni, banki i sałon pryhažości.

Pad zvodami «Zamka» ŭ najlepšych tradycyjach zachodnich hipiermarkietaŭ zojmie svajo miesca zabaŭlalny kompleks. Tut adkryjucca načny kłub z tryma barami, kazino, restarany až na 1,5 tysiačy čałaviek, kinateatr z troch załaŭ, zała hulniavych aŭtamataŭ i atrakcyjony.

Ale hałoŭnaja navinka — ladovaja placoŭka. U Jeŭropie bieź nievialikaj koŭzanki nie abychodziacca bahatyja zabaŭlalnyja centry, ciapier moda pierakidvajecca i na Biełaruś. Koŭzacca možna ceły hod.

Tannaja kopija Kramla

Handlovy centr musiŭ vyhladać padkreślena «pa-bahatamu» i ŭnutry, i zvonku. «Architekturnaje rašeńnie spałučyła ŭ sabie efiektyŭnaść technałohij i vobraz sučasnaha čatyrochpaviarchovaha budynka z etničnymi elemientami biełaruskich zamkaŭ», — havorycca na sajcie kampanii. Zdalok budynak vyhladaje bolš vieličnym, čym zblizku, choć ŭ lubym vypadku nie padobny da sapraŭdnaha zamka. Kali ž pahladzieć uvažliva, «

zamkavyja» ścieny z čyrvonaj cehły nasamreč akazvajucca butaforskimi płastykavymi panelami, pafarbavanymi pad cehłu. Pryčym hetyja roŭnyja kvadratnyja paneli prykleili akurat tam, dzie idzie zakruhleńnie fasada.

Niezdarma skieptyki nazyvali «Zamak» tannaj kopijaj Kramla.

Prestyžnaje miesca

«Zamak» znachodzicca na praśpiekcie Pieramožcaŭ, kala transpartnaj raźviazki z vulicaj Arłoŭskaj. Nadzvyčaj vyhadnaje hieahrafičnaje stanovišča — dabracca siudy na aŭtamabili lohka ź luboj častki horada — dapaŭniajecca prestyžnym susiedstvam.

Adsiul nie bolš za 200 mietraŭ da vystavačnaha centra «BiełEkspa» i, hałoŭnaje, da novaj rezidencyi kiraŭnika dziaržavy, jakuju budujuć udarnymi tempami. Takuju placoŭku dajuć nie kožnamu.

Darečy, dla kiroŭcaŭ praduhledžany šaściŭzroŭnievy biaspłatny parkinh na 2000 miescaŭ. Stajanka budzie bieź ścienaŭ, tamu nie varta spadziavacca, što ŭ «Zamku» ŭzimku ŭdasca adahreć zamierzły aŭtamabil.

Čyj «Zamak»?

Padradčyk «Zamka» — kampanija «Tytuń-Inviest», jakoj vałodajuć dva niepubličnyja biznesoŭcy. Kali asoba Paŭła Tapuzidzisa, miljaniera z hrečaska-hruzinskimi karaniami, usio ž raz-poraz uzhadvajecca ŭ ŚMI, to imia jahonaha kampańjona Viktara Piatroviča całkam achinutaje tajnaj. U ich biznes-impieryju ŭvachodzić vytvorčaść cyharetaŭ «Tytuń-Inviest», hipiermarkiety «Karona» ŭ Minsku, Breście, Babrujsku i Viciebsku, viertalotny kłub u Ratamcy na bierazie Minskaha mora…

U časie prezidenckaj kampanii-2010 Pavieł Tapuzidzis byŭ staršynioj vybarčaj kamisii na adnym ź minskich učastkaŭ. Delehavaŭ jaho «pracoŭny kalektyŭ buchhałteryi AAT «Tytuń-Inviest».

Kiraŭnictva spravaŭ i «Lido»

U mnohich dakumientach «Zamak» fihuruje pad inšaj nazvaj — «Minsk-Lido». Zamoŭcam budynka źjaŭlajecca adnajmiennaje ZAT.

A voś brend «Lido» ŭ Biełarusi naležyć niepasredna Kiraŭnictvu spravaŭ prezidenta.

Łatyš Hunars Kirsans, uładalnik sietki chutkaha charčavańnia ŭ siabie na radzimie, u 2004 adkryŭ restaran na płoščy Jakuba Kołasa ŭ Minsku. Nieŭzabavie adzinym ułaśnikam «Lido», jakoje pieraŭtvaryłasia ŭ respublikanskaje ŭnitarnaje pradpryjemstva, stała Kiraŭnictva spravami prezidenta. Za brend byli Kirsansu zapłačanyja niemałyja hrošy — $1,5 miljona.

Cikava, što jašče ŭ 2003 staličnyja ŭłady abvieścili, što ŭ Minsku budzie pabudavana jak minimum dva «Lido». Anansavany, ale nierealizavany «vialiki kompleks hramadskaha charčavańnia pa praśpiekcie Mašerava» na 1300 pasadačnych miescaŭ — heta i jość «Zamak» Tapuzidzisa. Zastajecca zdahadvacca,