Kali Litva była karaleŭstvam

Dzie adbyłasia karanacyja Mindoŭha? Jaki dzień ličyć «dniom narodzinaŭ VKŁ»? Ekskursavod pa Paryžy dla lićvinaŭ, «Śviedki dobryja» i demarkacyja dziaržaŭnych miežaŭ…

 — heta tolki karotkaja prabiežka pa padzahałoŭkach novaj knihi Aleha Dziarnoviča «Freski historyi: artykuły i ese pa historyi i cyvilizacyi Biełarusi i Centralna-Uschodniaj Jeŭropy».

Kniha składajecca mienavita z «fresak» — kožnaja ź ich asobna vymalavanaja, jany majuć rozny maštab. U adnych artykułach historyk analizuje śvietapohladnyja prablemy časoŭ VKŁ (jak staŭleńnie da tradycyj, funkcyjanavańnie histaryčnaj pamiaci), u druhich zakranaje palityčnyja prablemy i sprečnyja pytańni minułaha, u trecich — adšukvaje niezvyčajnyja detali — časam miłyja, časam vuścišnyja — žyćcia našych prodkaŭ u časy VKŁ i Rečy Paspalitaj.

Naprykład,

piša, čym chvareli tady ludzi, jak bavili čas, jak źmianiaŭsia klimat u Biełarusi ciaham historyi. Daśleduje i vypadki kanibalizmu ŭ VKŁ.

Aŭtar raźbirajecca,

kali i jak uźnikali tyja ci inšyja nazvy i paniatki, jakija my pryvykli ličyć adviečnymi — Uschodniaja Jeŭropa, Vialikaje Kniastva Litoŭskaje, Hrunvald…

Čytajučy «Freski», adčuvaješ siabie restaŭrataram, jaki, zdymajučy słai šeraj tynkoŭki, adkryvaje niezvyčajnyja vobrazy minułaha.

Niekatoryja teksty knihi ŭ hazietnym varyjancie drukavalisia ŭ «Našaj Nivie».

JAK

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH