Rasprodaž starych numaroŭ «ARCHE»: zornyja vydańni pierachodnaj epochi
Na rubiažy 2004 i 2005 hadoŭ paśla vydańnia numaru, pryśviečanaha asobie Łukašenki, prodaž «ARCHE» byŭ zabaronieny ŭ sietcy dziaržaŭnych kniharniaŭ, a taksama ŭ kijoskach «Biełsajuzdruku». Redakcyja na heta adkazała pavieličeńniem jakaści i abjomu časopisa, a taksama jaho pierachodam na štomiesiačny vychad.
Numar 6 za 2005 byŭ apošnim z vypuskaŭ, jakija vychodzili raz na dva miesiacy.Ź pieršaha numaru za 2006 časopis staŭ vydavacca štomiesiac (za vyniatkam studzienia i lipienia).
Skład aŭtaraŭ № 6 za 2005 byŭ zorny.
Vital Zajka, bliskučy navukoviec, jaki z kanca1990-ch hadoŭ žyvie i pracuje ŭ Ńju Jorku, raskrytykavaŭ łukašenkaŭskuju kulturnuju palityku ŭ ese «Kolki nacyjanalnaha ŭ Nacyjanalnaj biblijatecy Biełarusi?». Suśvietna viadomy amierykanski ekanamist Anders Osłund razabraŭ palitekanomiju sučasnaha rasiejskaha režymu ŭ artykule «Akcyi Pucina padajuć. Čym adkaža Ameryka?». Vital Silicki jak zaŭsiody hruntoŭna razhledzieŭ knihu viadomaha brytanskaha palitołaha Endru Uiłsana «Virtual Politics. Faking Democracy in thePost-Soviet World». Miž inšym, Silicki adkazaŭ na asnoŭnaje palityčnaje pytańnie Biełarusi: jakim čynam Łukašenku ŭdajecca ŭtrymlivać uładu18-ty hod?
Ese palitołaha Andreja Kazakieviča «Aryjentalizm», albo niekalki zaŭvah pra «kazus Biełaruś»» było inśpiravana palemikaj z kałanijalnymi ŭjaŭleńniami pra Biełaruś i sučasny biełaruski režym. Niahledziačy na doŭhatryvałaść i peŭnuju madernaść apošniaha, jakaja miž inšym prajaŭlajecca ŭ vykarystańni najnoŭšych elektronnych srodkaŭ sačeńnia za svaimi palityčnymi apanientami, rasiejskamoŭnyja intelektuały tradycyjna apisvali jaho ŭ katehoryjach «adstałaści», «kałchoznaści» i «niesučasnaści». Adkryjem nievialikuju tajamnicu: u tym liku dziakujučy hetaj publikacyi jaje aŭtar atrymaŭ prestyžnuju akademičnuju pasadu ŭ Jeŭrapiejskim humanitarnym univiersitecie.
Piotra Rudkoŭski ŭ ahladzie «Erotyka biblijnaha słova» abmierkavaŭ najnoŭšyja pierakłady Biblii na biełaruskuju movu, vykananyja Vasilom Siomucham, Jankam Stankievičam i Uładzisłavam Čarniaŭskim. Fiłosaf Uładzimir Mackievič u ese «Bazis i śviadomaść. Dyjalektyka Šaŭcova» prasačyŭ evalucyju analityka Juryja Šaŭcova z haračaha biełaruskaha adraženca i siabra sojmu BNF na pačatkuZaviaršajecca numar ese Źmitra Sierabrakova «Dvanaccaty hod Łukašenkijany», dzie zakranajucca asnoŭnyja tvory epochi, pryśviečanyja Łukašenku — fieljeton Anatola Strelanaha «Saška», ananimnaja paema «Łuka Mudziščaŭ», raman Uładzimira Niaklajeva «Łabuch», narys Paŭła Šaramieta i Śviatłany Kalinkinaj «Vypadkovy prezident», a taksama recenzijami historyka z Stakholmskaha ŭniviersitetu Andreja Katlarčuka «Vikinhi, Ruś i zahadkavaja adsutnaść Połacku» i prafiesarki kafiedry słavianskich i hiermanskich daśledavańniaŭ univiersitetu Vaterłoo (Antaryjo, Kanada) Zinaidy Himpielevič «Dźvieście hadoŭ impierskaj fanaberyi».1990-ch hh. u dobraachvotnaha pamočnika łukašenkaŭskaha režymu.Historyki Andrej Čarniakievič i Aleś Paškievič u ilustravanym narysie «Psichałohija zdrady: biełaruski nacyjanalny ruch vačyma kanfidenta II adździełu polskaha Hienieralnaha štabu» raskryli, na žal, charakternuju dla ciapierašniaha biełaruskaha ruchu situacyju, kali vidny biełaruski dziejač (u hetym vypadku — Ramuald Ziamkievič) stanovicca pa sumiaščalnictvie ahientam śpiecsłužbaŭ.
Uvaha! Da 10 śniežnia hety numar (324 staronki, farmat 165 na 240 mm) možna nabyć pa canie 25 tys. rubloŭ (z ulikam koštu pierasyłki). Kab aformić zamovu, dašlicie
Uvaha: u poli «Tema lista» paznačajcie — «6 za 2005».
Numar budzie dastaŭleny na ŭkazany vami paštovy adras nakładzienym płaciažom.
Apłata pa fakcie atrymańnia pasyłki — h.zn. hrošaj napierad vysyłać nie treba.
Čakajem vašych zamoŭ!
Afierta dziejničaje tolki na terytoryi Biełarusi i tolki da vyčarpańnia składskich zapasaŭ.
