Endru Ŭiłsan. «Apošniaja dyktatura Jeŭropy»
U Anhlii vyjšła kniha, pryśviečanaja Biełarusi.
U Anhlii ŭ prodažy źjaviłasia kniha Endru Ŭiłsana «Apošniaja dyktatura Jeŭropy», jakaja raspaviadaje pra sučasnuju Biełaruś.
Hetaja kniha — pieršaje anhielskamoŭnaje vydańnie, jakoje daśleduje składany šlach Biełarusi da dziaržaŭnaści i detalova vyvučaje biełaruskuju palityku i ekanomiku pačynajučy z 1991 hoda. Endru Uiłsan nadaje asablivuju ŭvahu dziŭnamu palityčnamu daŭhalećciu Alaksandra Łukašenki, jakoje zachoŭvajecca niahledziačy na parušeńni pravoŭ čałavieka i čarhovyja falsifikacyi vybaraŭ u śniežni 2010 hoda.
Uiłsan hladzić na biełaruskuju historyju jak na šerah niaŭdałych sprobaŭ stvareńnia identyčnaści ŭ Siaredniavieččy i Novym časie praź vialikuju kolkaść stvareenia supraćlehłych viersij biełaruskaj identyčnaści. Kulminacyjaj hetaha supiernictva jon ličyć saviecki prajekt pa akreśleńni ciapierašnich miežaŭ Biełarusi padčas Druhoj suśvietnaj vajny. Navukoviec taksama razhladaje adnosiny Biełarusi z Rasijaj, jaje sproby zachoŭvać niejtralitet pamiž Rasijaj i Zachadam, i, jak ni paradaksalna, biełarusy ŭrešcie sapraŭdy robiacca nacyjaj pad kiravańniem «apošniaha dyktatara Jeŭropy».
Nabyć knihu možna tut
