Znajści
Ałharytmičny łacinski varyjant
29.06.2024 / 18:1612RusŁacBieł

Bajden moža źniać svaju kandydaturu z vybaraŭ, kali na jaho nacisnuć svajaki i siabry. A chto jaho moža zamianić?

Prezident ZŠA Džo Bajden moža pryniać rašeńnie ab źniaćci svajoj kandydatury z vybaraŭ, kali jamu heta paraić siamja i daŭni siabar dy daradcy Ted Kaŭfman, paviedamiła vydańnie Axios.com sa spasyłkaj na svaje krynicy ŭ Demakratyčnaj partyi.

Fota: AP Photo/Matt Kelley

«Adziny sposab, jakim prezident Bajden pojdzie ŭ adstaŭku, niahledziačy na svajo fijaska na debatach, — heta kali taja ž samaja nievialikaja hrupa «pažyćciovych łajalistaŭ», jakaja dazvoliła jamu bałatavacca, raptam… vyrašyć, što jamu para sychodzić», — piša vydańnie.

Siarod ludziej, zdolnych paŭpłyvać na Bajdena nazyvajucca jahonaja žonka Džył Bajden, małodšaja siastra Valery Bajden i 85-hadovy Ted Kaŭfman, daŭni siabar i pastajanny daradca prezidenta.

Akramia taho, u lik samych davieranych ludziej uvachodzić i «nievialikaja hrupa daradcaŭ Biełaha doma — adzinyja, chto prymaje rašeńni ad Bajdena».

Razmovy pra źniaćcie Džo Bajdena ź pieradvybarnaj honki ŭzmacnilisia paśla piatničnych debataŭ z Donaldam Trampam, na jakich dziejny prezident vyhladaŭ vielmi niepierakanaŭča navat nie tak z punktu hledžańnia svaich arhumientaŭ, jak z punktu hledžańnia zdaroŭja. 

Miž tym aŭtarytetnaje vydańnie The Washington Post u svajoj publikacyi nazvała 10 kandydataŭ ad demakrataŭ, jakija mahli b kinuć vyklik Donaldu Trampu zamiest Džo Bajdena. Hetyja imiony nazyvalisia jak «alternatyŭnyja kandydaty» jašče da taho, jak Bajden abviaściŭ pra namier bałatavacca znoŭ. Pieraličvajucca nastupnyja imiony:

1. Kamała Charys. Pieršaja ciemnaskuraja žančyna na pasadzie vice-prezidenta była b padarunkam dla partyi, jakaja sprabuje zachavać tradycyjnuju pieravahu siarod ciemnaskurych vybarščykaŭ. Ale, jak viadoma, Charys niepapularnaja, jak i Bajden, a jaje ŭłasnaja prezidenckaja kampanija ŭ 2020 hodzie prajšła niaŭdała.

Kamała Charys. Fota: Wikimedia Commons

2. Hretchien Uitmier. Hubiernatarka Mičyhana ŭznačalvaje vielmi važny dla demakrataŭ «chistki» štat na Siarednim Zachadzie. Jana maje vysokuju padtrymku ŭ svaim rodnym štacie (54-61%), vopyt i bolšuju papularnaść na nacyjanalnym uzroŭni, čym mnohija inšyja hubiernatary-demakraty.

Hretchien Uitmier. Fota: Wikimedia Commons

3. Pit Butydžyč. «Kali partyja šukaje antytezu niazdolnaści Bajdena danieści miesiedžy suprać Trampa, to heta Butydžyč. Jahonyja svarki ź viadučymi Fox News i respublikancami na słuchańniach u Kanhresie časta šyroka raspaŭsiudžvajucca ŭ demakratyčnych kołach», — havorycca ŭ materyjale. Zrešty, kandydatura ciapierašniaha ministra transpartu nie karystajecca papularnaściu siarod ciemnaskurych vybarščykaŭ.

Pit Butydžyč. Fota: Wikimedia Commons

4. Džošua Šapira. Hubiernatar Piensilvanii davoli papularny ŭ važnym dla demakrataŭ štacie. Pavodle apytańnia hetaha hoda, jon padabajecca trom ź dziesiaci prychilnikaŭ Trampa. Ale Šapira ŭ asnoŭnym razhladajecca jak varyjant na 2028 hod.

Džošua Šapira. Fota: Wikimedia Commons

5. Džared Polis. Hubiernatar Kałarada i były kanhresmien vałodaje tymi ž vartaściami, što i Šapira. I jasna vykazaŭ zacikaŭlenaść u tym, kab adnojčy vyjści na ahulnanacyjanalny ŭzrovień.

Džared Polis. Fota: Wikimedia Commons

6. Hevin Ńjusam. «Ciažka ŭjavić, kab partyja vyrašyła, byccam hubiernatar Kalifornii i były mer San-Francyska — adpaviednaja kandydatura. Respublikancy buduć tolki radyja bałatavacca suprać jaho, pakazvajučy na prablemy horada sa złačynnaściu», — adznačajecca ŭ materyjale.

Hevin Ńjusam. Fota: Wikimedia Commons

7. Rafael H. Vornak. Sienatar ad Džordžyi ŭžo dvojčy za karotki čas atrymaŭ pieramohu ŭ klučavym chistkim štacie. Kampanija Vornaka ŭ 2022 hodzie, u pryvatnaści, razhladałasia jak darožnaja karta taho, jak demakraty mohuć bałatavacca ŭ 2024-m.

Rafael H. Vornak. Fota: Wikimedia Commons

8. Mišel Abama. Źjaŭlajecca samaj papularnaj byłoj pieršaj łedzi ŭ Amierycy i niaźmienna padabajecca pieravažnaj bolšaści amierykancaŭ. Ale Abama zajaviła, što nie zacikaŭlenaja ŭ tym, kab bałatavacca. Akramia taho, jana maje supiarečnaści z kamandaj Bajdena. Vydańnie nazyvaje vyłučeńnie Abamy «avaryjnym varyjantam».

Mišel Abama. Fota: Wikimedia Commons

9. Emi Kłabušar. Sienatarka ad Miniesoty mieła b usie šancy, kali b demakraty šukali kandydata z mnohimi z tych ža charaktarystyk, što i ŭ Bajdena, za vyklučeńniem prablemy ŭzrostu. Kłabučar maje mocny elektaralny pasłužny śpis u svaim štacie. Ale ŭ jaje dahetul vielmi abmiežavany ahulnanacyjanalny profil.

Emi Kłabušar. Fota: Wikimedia Commons

10. Endzi Biešyr. Hubiernatar Kientuki ŭ 2023 hodzie pieraabrany na pasadu ŭ «čyrvonym» (respublikanskim) štacie. Biešyr padabajecca jak respublikancam, tak i demakratam, adnak niezrazumieła, jak jon budzie dziejničać ź libieralnym bazavym elektaratam.

Endzi Biešyr. Fota: Wikimedia Commons

Čytajcie taksama:

Redakcyja New York Times zaklikała Bajdena źniać svaju kandydaturu z vybaraŭ

60% amierykancaŭ chočuć zamianić Bajdena ŭ jakaści kandydata ad demakrataŭ paśla debataŭ

Amierykanskija demakraty abmiarkoŭvajuć zamienu Bajdena z-za pravalnych debataŭ z Trampam

Tramp upeŭniena pieramoh Bajdena na debatach

Tramp padčas debataŭ z Bajdenam nazvaŭ nieprymalnymi ŭmovy Pucina pa spynieńni vajny

Padčas debataŭ z Trampam Bajden zhadaŭ Biełaruś

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
5
Панылы сорам
0
Ха-ха
8
Ого
2
Сумна
1
Абуральна
4
2
Iz SŠA/adkazać/
30.06.2024
Biełarus, bystrieje sam razvališsia, i połučitsia žił zria.
3
Iz SŠA/adkazać/
30.06.2024
Vybora osobo to i niet (kak vsiehda v Amierikie), no vot i pridiotsia za Trampa. Nie za radužnych žie diemokratov, rusofobov i diemahohov.
0
Pieraprošuju/adkazać/
03.07.2024
Biełarus, Nia tolki razvał, ale i padzieł.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
1234567
891011121314
15161718192021
22232425262728
293031