60% amierykancaŭ chočuć zamianić Bajdena ŭ jakaści kandydata ad demakrataŭ paśla debataŭ
Siarod vybarščykaŭ-demakrataŭ 21% ličyć, što Bajdena «dakładna nie varta» mianiać.
Fota: Gerald Herbert / AP
60% respandentaŭ śviežaha apytańnia ŭ ZŠA ličać, što prezidenta Džo Bajdena varta «dakładna» abo «imavierna» zamianić u jakaści kandydata ad Demakratyčnaj partyi paśla jaho vystupu na debatach u čaćvier. Heta było apytańnie Morning Consult, apublikavana ŭ piatnicu dla Axios, piša «Jeŭrapiejskaja praŭda»
Vyniki apytańnia 2 068 respandentaŭ pieraklikajucca z zakulisnymi abmierkavańniami demakrataŭ adnosna pierśpiektyvy zamieny Bajdena na pasadzie kandydata ŭ prezidenty ad Demakratyčnaj partyi.
Siarod vybarščykaŭ-demakrataŭ 21% ličyć, što Bajdena «dakładna nie varta» zamianiać, a 20% — što «chutčej za ŭsio, nie varta».
Kali respandentam prapanavali vybrać pamiž Bajdenam i byłym prezidentam Trampam, 45% vybrali prezidenta, a 44% — byłoha prezidenta.
Vyniki akazalisia anałahičnymi vynikam apytańnia, praviedzienaha paśla pryznańnia Trampa vinavatym u 34 kryminalnych złačynstvach, źviazanych z falsifikacyjaj dziełavoj dakumientacyi.
Apytańnie śviedčyć pra toje, što «prezident Džo Bajden nie straciŭ svaich pazicyj pierad Trampam», havorycca ŭ vysnovach Morning Consult.
Adnak, bolšaść respandentaŭ — 57% z tych, chto hladzieŭ debaty, — skazali, što Tramp pieramoh Bajdena. Siarod ich 19% demakrataŭ, 60% niezaležnych i 93% respublikancaŭ. Chibnaść apytańnia skłała +/— 2 pracentnyja punkty.
Donald Tramp u piatnicu ŭzradavaŭsia drennamu vystupu Džo Bajdena na prezidenckich debatach, jakija prajšli ŭ čaćvier.
Bajden pryznaŭ drennaje vystupleńnie na debatach z Trampam, ale pakidać honku nie płanuje.
Čytajcie taksama:
Amierykanskija demakraty abmiarkoŭvajuć zamienu Bajdena z-za pravalnych debataŭ z Trampam
Tramp upeŭniena pieramoh Bajdena na debatach
Tramp padčas debataŭ z Bajdenam nazvaŭ nieprymalnymi ŭmovy Pucina pa spynieńni vajny
Padčas debataŭ z Trampam Bajden zhadaŭ Biełaruś
Treci kandydat. U Robierta Kienedzi-małodšaha ŭsio bolš šancaŭ uklučycca ŭ prezidenckuju honku ŭ ZŠA
