Dvuch biełarusaŭ zatrymali kala litoŭskaj miažy z samatužnymi bieśpiłotnikami
Pamiežniki zatrymali niepadalok ad miažy ź Litvoj dvaich biełarusaŭ na aŭto, jakija vieźli samatužnyja bieśpiłotniki z pultami kiravańnia i inšyja pradmiety. U ich vyjaviłasia cełaja majsternia dla samatužnaha vyrabu dronaŭ, paviedamili ŭ Dziaržaŭnym pamiežnym kamitecie.
Skrynšot ź videa
Unačy 3 červienia biełaruskija pamiežniki ŭ Hrodzienskim rajonie, za 500 m ad miažy ź Litvoj, zatrymali dvuch biełarusaŭ na aŭtamašynie.
U lehkavym aŭtamabili i pryčepie vyjavili dva kvadrakoptary i pulty kiravańnia da ich, 18 akumulataraŭ, noŭtbuk i radyjostancyju, a taksama «tavarna-materyjalnyja kaštoŭnaści».
Vyśvietliłasia, što adzin z zatrymanych byŭ raniej sudzimy za niezakonnuju pradprymalnickuju dziejnaść: mužčyna nielehalna vyrablaŭ bieśpiłotniki. Druhi nieadnarazova pryciahvaŭsia da adkaznaści za parušeńnie zakanadaŭstva ab dziaržmiažy.
Pry ahladzie ich damoŭ znajšli majsterniu dla samatužnaha vyrabu dronaŭ, u jakoj byli piać radyjostancyj, noŭtbuki, roznyja mikraschiemy, harnitury, anteny, GPS-trekiery, akumulatary da bieśpiłotnikaŭ i zaradnyja pryłady, a taksama pradmiet, padobny da pnieŭmatyčnaha pistaleta.
Vyjaŭlenyja pradmiety kanfiskavanyja, pačali administracyjny praces za sprobu niezakonnaha pierasiačeńnia miažy i parušeńnie pamiežnaha režymu.
Čytajcie taksama:
Unutranyja vojski atrymali dźvie sistemy dla zmahańnia ź bieśpiłotnikami
U Voranaŭskim rajonie pamiežniki zatrymali biełarusaŭ ź bieśpiłotnikam
Kantrabandny tytuń sprabavali pierapravić ź Biełarusi ŭ Litvu bieśpiłotnikam
ŚMI: Latalnym aparatam, što parušyŭ miažu Biełarusi, moh być bieśpiłotnik kantrabandystaŭ
