Unutranyja vojski atrymali dźvie sistemy dla zmahańnia ź bieśpiłotnikami
Padraździaleńni praciahvajuć uzbrojvacca.
Fota: Unutranyja vojski
Na ŭzbrajeńnie va Unutranyja vojski MUS Biełarusi pastupili dźvie sistemy dla baraćby ź bieśpiłotnikami.
Sistema abarony abjektaŭ ad BŁA «Hroza-Z1 « aŭtamatyčna kantraluje častoty, na jakich pracujuć najbolš raspaŭsiudžanyja BŁA. Pry ich źjaŭleńni sistema raspaznaje sihnały i aŭtamatyčna dušyć kanały kiravańnia, pieradačy danych, a taksama navihacyju.
U vyniku ŭździejańnia drony abo padajuć, abo robiać vymušanuju pasadku, abo laciać na bazu. Akramia taho, jość mahčymaść pastanoŭki dezynfarmacyjnych pieraškod navihacyi dla stvareńnia biespalotnaj zony dla BŁA, paviedamili va Unutranych vojskach.
Taksama Unutranyja vojski atrymali stancyju radyjoelektronnaj baraćby «Hroza-S». Jana pryznačanaja dla vyjaŭleńnia, pielenhavańnia, miescavyznačeńnia i radyjoelektronnaha supraćdziejańnia bieśpiłotnikam.
Čytajcie taksama:
Karpiankoŭ raskazaŭ, kolki vajskoŭcaŭ padrychtavali vahnieraŭcy
«Kali jon stanie ministram, Kubrakoŭ padasca pacanionkam». Historyja žyćcia Mikałaja Karpiankova
