Na miažy ź Litvoj zatrymali biełarusa z dronam. U jaho kanfiskujuć i dron, i mašynu, na jakoj pryjechaŭ
U Voranaŭskim rajonie lidskija pahraničniki zatrymali hramadzianina Biełarusi, u aŭtamabili jakoha znajšli bieśpiłotnik.
Ilustracyjnaje fota
Jak paviedamlaje Dziaržpahrankamitet, incydent adbyŭsia 19 maja. Za 10 km ad biełaruska-litoŭskaj miažy ŭ Voranaŭskim rajonie lidskija pamiežniki spynili aŭtamabil. Pry jaho ahladzie znajšli bieśpiłotnik z dvuma prystasavańniami dla jaho zapusku, noŭtbuk, antenu, try akumulatary dla bieśpiłotnika, a taksama «tavarna-materyjalnyja kaštoŭnaści» — najchutčej, havorka idzie pra cyharety, jakija biełarus źbiraŭsia pierakidvać u Litvu.
Na parušalnika skłali administracyjny pratakoł. Pavodle artykuła 15.1 KaAP, u jaho kanfiskujuć aŭtamabil — bo na im pieramiaščalisia niezakonnyja tavary.
Nahadajem, z 1 krasavika 2024 hoda vykarystańnie dronaŭ na terytoryi Biełarusi zabaroniena bieź śpiecyjalnaha dazvołu.
Čytajcie taksama:
Hrodziencaŭ žorstka zatrymali za zapusk drona na miažy
U Voranaŭskim rajonie pamiežniki zatrymali biełarusaŭ ź bieśpiłotnikam
Kantrabandny tytuń sprabavali pierapravić ź Biełarusi ŭ Litvu bieśpiłotnikam
ŚMI: Latalnym aparatam, što parušyŭ miažu Biełarusi, moh być bieśpiłotnik kantrabandystaŭ
