Pa-biełarusku vychodziać brazilskija narodnyja kazki
Nieŭzabavie maje vyjści poŭny nakład knihi «Brazilskija narodnyja kazki» ŭ zapisach Silvia Ramera, jakuju z partuhalskaj na biełaruskuju movu pierakłaŭ Dźmitryj Mahileŭcaŭ. Ale ŭžo ciapier, dziakujučy fota sihnalnaha asobnika, my možam krychu aznajomicca z budučym vydańniem, piša Bellit.info.
«U vydańni sabranyja brazilskija narodnyja kazki, zapisanyja ŭ kancy XIX stahodździa. Jany ŭvabrali ŭ siabie ŭsio, što składaje kulturu brazilskaha naroda: i vidavočny mocny jeŭrapiejski ŭpłyŭ, i luboŭ da pryrody, ułaścivuju karennamu nasielnictvu, i muzyčny, žvavy i viasioły podych Afryki. Hieroi hetych kazak — murašy i pieŭni, pryncesy i małpy, złaślivy jahuar i chitry muryn. Jany chitrujuć i čarujuć, pieramahajuć i płačuć albo prosta raźbiahajucca aby-kudy, a nam, čytačam, z taho paciecha i navuka», — havorycca ŭ anatacyi.
Knihu, jakaja maje 100 staronak, prailustravaŭ mastak Pavieł Darochin.
Čytajcie taksama:
Kniha Vandy Marcinš duš Rejš «Małanki nad Vilniaj» atrymała premiju mera litoŭskaj stalicy
Vyjšaŭ zbornik tvorčaj spadčyny Haljaša Leŭčyka
U Brazilii vyjšła knižka ab pryhodach dziaŭčynki ź Biełarusi
