Prapahandyst Tur, jaki krytykavaŭ sonnych čynoŭnikaŭ na naradach, sam zasnuŭ padčas pramovy Łukašenki
U tranślacyju siońniašniaha pasiadžeńnia UNS trapili kadry, na jakich prapahandyst ANT Ihar Tur sprabuje zachoŭvać badzioraść, ale ź pieramiennym pośpiecham.
Skryn tranślacyi pasiadžeńnia UNS
Cikava, što ŭ 2022-m prapahandyst u svaim telehram-kanale publikavaŭ zvarot da čynoŭnikaŭ, dzie aburaŭsia, što tyja śpiać na naradach:
«Ja b vielmi chacieŭ paprasić vas na sustrečach z kiraŭnikom dziaržavy, dy i na lubych naradach, dzie jość telekamiery, usio ž taki zaŭsiody znachodzić u sabie siły i być sabranymi.
Tamu što kali vy vypadkova zakimarycie na halorcy ci prosta siedzicie z abyjakavym pohladam i dumajecie pra niešta svajo, to potym ja, jak i ŭsie maje kalehi z puła, na mantažy sprabujuć vyrazać hetyja frahmienty. I ja, zamiest taho, kab rabić svaju pracu, marnuju čas na tych, chto nie zmoh sabracca na paru hadzin».
Čytajcie taksama:
Jak prapahandyst Ihar Tur staŭ lubimčykam Łukašenki i kolki zarabiŭ u 2020-m
Jak Azaronak staŭ takim? Novyja fakty ź bijahrafii samaha addanaha Łukašenku prapahandysta
Biełaruskaja Papiałuška: jak maładaja jurystka z Harodni Bažena Jaremič robić ahałamšalnuju karjeru
