Patryjarch Kirył zabaraniŭ u słužeńni śviatara, jaki pravodziŭ panichidu na mahile Alaksieja Navalnaha
Patryjarch Maskoŭski i ŭsiaje Rusi Kirył svaim ukazam zabaraniŭ u słužeńni na try hady ijereja Dzimitryja Safronava, kliryka chrama Pokryva Praśviatoj Baharodzicy ŭ Maskvie. Dakumient ad 15 krasavika apublikavany na sajcie Maskoŭskaj jeparchii.
Dzimitryj Safronaŭ na mahile Alaksieja Navalnaha. Skryn videa
U rašeńni Kiryła skazana, što Safronavu zabaroniena pravodzić bahasłužeńni, nasić rasu i śviatarski kryž.
Pa rašeńni kiraŭnika RPC jaho adpravili na try hady ŭ inšy chram Maskvy «dla vykanańnia abaviazkaŭ psałomščyka i tych daručeńniaŭ, jakija vyznačyć jamu probašč».
«Pa zakančeńni terminu niasieńnia jepitymji pa vodhukach ź miesca niasieńnia pasłuchmianstvaŭ budzie pryniata rašeńnie ab mahčymaści jaho dalejšaha śviatarstva», — skazana va ŭkazie.
Dzimitryj Safronaŭ słužyŭ panichidu na mahile Alaksieja Navalnaha na 40 dzion paśla śmierci palityka. Jak źviarnuła ŭvahu «Mieduza», Safronaŭ taksama byŭ u liku śviataroŭ, jakija publična zaklikali ŭłady Rasii vydać cieła Alaksieja Navalnaha jaho siamji (cieła Navalnaha addali maci na dziaviaty dzień paśla śmierci).
Telehram-kanał «Pravasłaŭje i zombi» śćviardžaje, što Safronaŭ nie čytaŭ «Malitvu ab pieramozie śviatoj Rusi». Maskoŭskaja dyjacezija ź vieraśnia 2022 hoda patrabuje ad usich parafij čytać hetuju malitvu.
Čytajcie taksama:
MUS Estonii: Usie adnosiny miascovych cerkvaŭ z RPC pavinny być razarvanyja
Śviataram RPC zahadali štodnia čytać malitvy ab pieramozie ŭ vajnie
