Minski zavod chaładzilnikaŭ «Atłant» budzie vypuskać pasudamyjki i modnyja pralna-sušylnyja mašyny
Taksama raspracavany prajekt vypusku marazilnych skryniaŭ.
Fota: Naša Niva
Vytvorca chaładzilnikaŭ ZAT «Atłant» u 2025 hodzie vyviedzie na rynak niekalki vidaŭ novaj pradukcyi. Pra heta raspavioŭ hienieralny dyrektar Dźmitryj Charytončyk na prafsajuznaj kanfierencyi pradpryjemstva.
Pa słovach kiraŭnika pradpryjemstva, pieršaja pałova 2024 hoda składvajecca dla «Atłanta» ŭdała: raście ekspart. Zamiežnyja spažyŭcy pavialičvajuć zakupki biełaruskaj pradukcyi pry najaŭnaści na rynkach tureckich i kitajskich anałahaŭ bytavoj techniki.
Pośpiech na źniešnich rynkach dazvalaje «Atłantu» płanavać vypusk novych vidaŭ pradukcyi. Tak, raspracavany biznes-płan dla vypusku marazilnych skryniaŭ.
Pavodle acenki Dźmitryja Charytončyka, heta zapatrabavany pradukt, u jakoha na rynku pakul mała kankurentaŭ. Tamu pastaŭlena meta maksimalna chutka vyvieści jaho na rynak.
Pradpryjemstva ŭžo znajšło krynicy finansavańnia i da kanca hoda płanuje pravieści konkurs na zakupku abstalavańnia dla vytvorčaści marazilnych skryniaŭ. Čakajecca, što ŭ 2025 hodzie novaja pradukcyja sydzie z kanviejera.
Inšym punktam rostu stanie vypusk kambinavanych pralna-sušylnych i pasudamyjnych mašyn, anansavaŭ Charytončyk.
Adnačasova słužba markietynhu budzie testavać novyja padychody da prodažach.
Čytajcie taksama:
«Dačka» chołdynha «Atłant-M» vypuściła tokienaŭ na miljon dalaraŭ
Łukašenka pryznaŭ, što biełaruskaja pradukcyja sastupaje rasijskaj pa jakaści i canie
Pasoł Dźmitryj Kruty prapanuje karać pradpryjemstvy, jakija niedastatkova ekspartujuć u Rasiju
