Znajomyja siamji ahučyli viersiju, dzie tydzień byŭ źnikły Siarhiej Cierabaviec — tata dziaŭčynki z SMA

Sierhiej Cierabaviec z dačkoj. Fota ź jaho staronki va Ukantakcie

Znajomyja siamji raspaviali, što ŭ Hdańsku Siarhieja abrabavali. Jon žyvy i zdarovy, ale zastaŭsia biez dakumientaŭ, hrošaj, telefonaŭ. Na praciahu tydnia mužčyna nibyta šukaŭ sposab źviazacca ź siamjoj.

Nahadajem, tata dziaŭčynki Lizy, jakoj nie tak daŭno biełarusy sabrali $1,8 miljona na samyja darahija leki ŭ śviecie, źnik 10 krasavika ŭ Polščy. U Hdańsku jon pracavaŭ cieślarom-stanočnikam, rabiŭ meblu dla jacht.

Mužčyna zvolniŭsia z pracy i pavinien byŭ viarnucca da žonki i dziaciej (akramia Lizy, u siamji jość jašče dva starejšyja chłopčyki), ale biełaruskuju miažu tak i nie pierasiok. Apošni raz Siarhieja bačyli na aŭtavakzale Hdańska, adtul jon mieŭ jechać na aŭtobusie ŭ Minsk.

Udakładnim: skrali ŭ mužčyny nie tyja hrošy, jakija źbirali ŭsim śvietam na ŭkoł Zolgensma. Tyja srodki daŭno byli pieraličanyja na rachunak RNPC «Maci i dzicia», dzie 5 krasavika Lizie, jakaja mieła dyjahnaz śpinalnaja ciahlicavaja atrafija 2 typu, zrabili injekcyju. Ciapier dziaŭčynka adnaŭlajecca.

Čytajcie taksama:

«Rabiŭ meblu dla jacht, zvolniŭsia»: padrabiaznaści źniknieńnia taty Lizy z Mazyra, jakoj biełarusy sabrali na samyja darahija leki ŭ śviecie

Źnik tata dziaŭčynki z SMA, jakoj biełarusy sabrali na samyja darahija leki ŭ śviecie

Jašče adnoj dziaŭčyncy z SMA sabrali $1,8 miljona na ŭkoł. Ale jana nie adzinaja, kamu patrebna dapamoha

Hanna Stafanovič

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

11

28

3

6

51

5