Polšča patłumačyła zabaronu na ŭvoz aŭtamabilaŭ na tranzitnych numarach u Biełaruś
Biełaruś razhladajecca jak «kraina vysokaj ryzyki».
Ilustracyjnaje fota «Naša Niva»
U kancy sakavika Polšča raptoŭna zabaraniła ŭvozić u Biełaruś aŭtamabili na tranzitnych numarach z abjomam ruchavika bolš za 1,9 litra. Čym vyklikanaja takaja zabarona, jak jana budzie dziejničać i na kaho raspaŭsiudžvacca — ničoha z hetaha polskija ŭłady nie paviedamili. Ale voś što na zapyt Deutsche Welle adkazali ŭ Ministerstvie finansaŭ Polščy.
Uviedzienuju zabaronu tam nazvali «efiektyŭnymi mierami pa vykaranieńni praktyki abychodu sankcyj». Jak možna zrazumieć z aficyjnaha adkazu, Biełaruś razhladajecca jak «kraina vysokaj ryzyki», viadomaja tym, što dapamahaje abychodzić sankcyi. U viedamstvie spasłalisia na rehłamient Rady ES ad 2014 hoda, jaki zabaraniaje «śviadomy i naŭmysny ŭdzieł u dziejnaści» pa abychodzie sankcyjnych abmiežavańniaŭ. Nieabchodnaść davać na miažy daviedku ad vytvorcy aŭtamabila tłumačać patrabavańniami mytnaha kodeksa.
DW taksama prasiła adkazać, čamu zabarona raspaŭsiudžvajecca mienavita na aŭtamabili z abjomam ruchavika bolš za 1,9 litra, pa jakoj pryčynie hetaja miera ŭvodzicca mienavita zaraz i zakranaje tolki ekspart u Rasiju. Padrabiaznaści pa hetych pytańniach polskija ŭłady nie paviedamili.
Čytajcie taksama:
U Hiermanii ŭ mašynie ź Biełarusi vieźli 269 tysiač jeŭra
Polšča pierastała vypuskać u Biełaruś luksavyja aŭto pa prośbie Łatuški?
