Siłaviki paviedamili pra zatrymańnie troch čałaviek za supracoŭnictva z «Viasnoju»
Brescki HUBAZiK zajaviŭ pra zatrymańnie asob, jakija byccam by akazvali sadziejničańnie pravaabarončamu centru «Viasna», pryznanamu biełaruskimi ŭładami ekstremisckim farmiravańniem.
Zatrymanyja try čałavieki — u Breście, Baranavičach i Pinsku.
Bolš padrabiazna HUBAZiK raspavioŭ tolki pra 40-hadovaha žychara Bresta, jaki, pavodle siłavikoŭ, naviedvaŭ sudy pa kryminalnych spravach «ekstremisckaj nakiravanaści», «fiksavaŭ chod i vyniki pasiadžeńniaŭ, infarmacyju ab śviedkach i pradstaŭnikach pravaachoŭnych orhanaŭ». Dalej hetyja źviestki pieradavalisia dla publikacyi na internet-resursach, jakija siłaviki nazyvajuć «destruktyŭnymi».
Raspačata kryminalnaja sprava za sadziejničańnie ekstremisckaj dziejnaści. Bieraściejec źmieščany ŭ śledčy izalatar.
Čytajcie taksama:
U Minsku zatrymali historyka carkvy Illu Višnieŭskaha
Dvuch minčukoŭ asudzili za numarnyja ramki z «Pahoniaj» na mašynach
