Papularnyja ŭ Biełarusi markietpłejsy pačnuć pracavać u «DNR»
Pra toje, što markietpłejsy Ozon i Wildberries adkryjuć svaje placoŭki ŭ samaabvieščanaj «DNR», na placoŭcy forumu «Intehracyja-2024: pierśpiektyvy raźvićcia novych terytoryj» paviedamiŭ jaje kiraŭnik Dzianis Pušylin.
Zdymak ilustracyjny
«Raźličvajem [na pačatak pracy markietpłejsaŭ] u najbližejšy čas, zapyty na toje, kab dać pamiaškańni i ofisy ŭžo atrymanyja, idzie prapracoŭka techničnaha składniku», — cytujuć sieparatysta «Viedomosti».
Vydańnie nahadvaje, što ŭ pačatku sakavika vice-premjer Rasii Dzianis Manturaŭ zajaviŭ, što rasijskija markietpłejsy chutka mohuć pačać pracavać taksama na inšych anieksavanych ukrainskich terytoryjach. Zaraz tavary ź ich u «DNR», «ŁNR» i akupavanych častkach Zaparožskaj i Chiersonskaj abłaściej možna kupić u pasiarednikaŭ, jakija dadajuć da koštu tavaru ŭłasny pracent.
Čytajcie taksama:
Viadomyja brendy bytavoj techniki stali błakavać paralelny impart u Rasiju
Napiaredadni pažaru na składzie Wildberries pad Pieciarburham adbyłasia panažoŭščyna dvuch bambiłaŭ
Markietpłejs Ozon nie spraviŭsia z «čornaj piatnicaj»
Zaležnaść ad «Vajłdbieryz»: tema dla žartaŭ ci sapraŭdnaja prablema?
