Stała viadoma, jakija hrošy turysty pakidajuć u minskich hatelach i apartamientach
Siaredni taryf na žyćcio turystaŭ u minskich hatelach i apartamientach sioleta składaje 66 dalaraŭ za sutki. Pra heta paviedamiŭ Respublikanski sajuz turystyčnaj industryi sa spasyłkaj na danyja servisu anłajn-braniravańnia Ostrovok.ru.
Minsk. Zdymak ilustracyjny
Siaredni pieryjad pamiž braniravańniem abjekta raźmiaščeńnia i pajezdkaj skłaŭ 31 dzień. Pakazčyk vyras u paraŭnańni ź minułym hodam na 44%. Takim čynam, turysty ciapier pačali składać bolš doŭhaterminovyja płany.
U siarednim u Minsku turysty žyvuć 2,5 dnia. Siaredni ček — 168 dalaraŭ.
U paraŭnańni ź minułym hodam na servisie anłajn-braniravańnia Ostrovok.ru u paŭtara razy vyrasła kolkaść abjektaŭ raźmiaščeńnia ŭ Biełarusi. Ciapier heta kala 3 tys. varyjantaŭ, ź ich 80% — apartamienty i kvatery.
Pavodle danych ahrehatara, 88% braniravańniaŭ u Biełarusi — ad turystaŭ z Rasii, 8% — biełarusaŭ, 1,5% — žycharoŭ krain Bałtyi, 3% — ź inšych rehijonaŭ. Taksama z dapamohaj placoŭki raźmiaščeńnie ŭ Biełarusi branirujuć kitajcy. Ich dola składaje 0,3%.
U 2022 hodzie žyćcio ŭ minskich hatelach kaštavała ad 18 da 120 dalaraŭ za numar u sutki.
Čytajcie taksama:
«U jaje vielmi mudry pohlad». U minskim hateli pasielać ekzatyčnuju ptušku
Turysty ź jakich krain, aproč Rasii i Kitaja, braniravali minskija haścinicy ŭ 2023 hodzie
U minskim krutym hateli ŭžo bolš za try hady žyvie italjaniec. I źjazdžać nie źbirajecca
U Biełarusi zapracavaŭ novy servis anłajn-braniravańnia hatelaŭ
