Prablemy Marharyty Laŭčuk va Ukrainie pačali vyrašacca
Śpiavačka Marharyta Laŭčuk, jakaja dniami zapisała videa, u jakim raskazała pra svaje prablemy z atrymańniem ukrainskaha DNŽ, u novym videa paviedamiła, što ciapier jany narešcie stali vyrašacca.
Fota: instahram Marharyty Laŭčuk
Pavodle słoŭ Laŭčuk, jana narešcie atrymała svaju strachoŭku va Ukrainie, jakuju raniej nie mahła atrymać pa pryčynie svajho biełaruskaha pašparta. Heta joj udałosia zrabić u strachavoj kampanii «Inter-plus».
Siońnia Laŭčuk pajšła z hetaj strachoŭkaj va ŭkrainskuju mihracyjnuju ŭstanovu, tam jaje aformili i paabiacali, što praz 15 dzion śpiavačka budzie mieć ukrainski dazvoł na žycharstva.
Za dapamohu ŭ vyrašeńni prablem Laŭčuk padziakavała biełaruskaj dyjaspary va Ukrainie i vykazała spadziavańnie, što bolš nijakich pieraškod dla jaje i inšych biełarusaŭ, jakija chočuć «ludźmi zvacca», nie ŭźniknie.
Čytajcie taksama:
Marharyta Laŭčuk vystaviła haračyja FOTA z maładym čałaviekam
«A, pacuk! Pacuk!» Jak pracuje novaje treš-šou Marharyty Laŭčuk
