Biełaruskaja sinchranistka Vasilina Chandoška: U ZAHSie ŭziała proźvišča muža, a paśla adrazu viarnuła svajo
22-hadovaja spartsmienka, jakaja vystupaje ŭ sinchronnym płavańni, raskazała, jak źmianiała proźvišča, a paśla adkruciła ŭsio nazad.
Vasilina Chandoška vyjhrała bronzavy miedal na čempijanacie śvietu — 2024. Nikoli raniej biełaruskija sinchranistki nie traplali ŭ pryziory takich čempijonataŭ.
«U sinchronnym płavańni ŭsie viedali mianie jak Chandošku. A tut zabivaješ u internet-pošukavik zapyt «Vasilina Kozyr» — pusta. Pryjazdžaješ na spabornictvy, usie pytajucca: «Chto takaja Kozyr? Dzie Chandoška?» Mianie heta stała mučyć, — raskazała spartsmienka. —
Pieršapačatkova pryniała rašeńnie ŭziać proźvišča muža, ale sumnievy raździrali ŭžo na šlachu ŭ ZAHS. Niešta źmianić, praŭda, tady akazałasia pozna — usie dakumienty byli hatovyja. Ale ŭ vyniku ŭsio roŭna pajšła i viarnuła jak było. Ciapier ja znoŭ Vasilina Chandoška. Arciom, kali što, nie suprać. Tak kamfortniej mnie i bolš karysna dla spravy».
Razam z mužam Arciomam. Fota Sb.by
Čytajcie taksama:
«Nie adpuskajcie adno adnaho i ŭsio». Historyi biełarusak, jakija čakajuć kachanych z vajny
