Nazvali samych vysokaapłatnych akcioraŭ u 2023 hodzie
Adam Sendler staŭ samym vysokaapłatnym akcioram 2023 hoda pa viersii Forbes. Na druhim miescy — Marho Robi, piša «Mieduza».
Adam Sendler. Fota: Ebrahim Noroozi / AP
Za hod Adam Sendler zarabiŭ 73 miljony dalaraŭ, paličyła vydańnie. Značnuju častku prybytku Sendleru pryniesła supracoŭnictva z Netflix.
U 2023 hodzie z udziełam Sendlera na Netflix vyjšli kamiedyi «Zabojstva ŭ Paryžy» i «I nie padumaj pryjści na maju bat-micvu», a taksama animacyjny film «Lea». Akramia taho, akcior syhraŭ hałoŭnuju rolu ŭ karcinie «Kasmanaŭt», jakuju Netflix vypuściŭ u sakaviku 2024-ha.
Fota: Photo by Samir Hussein / WireImage / Getty Images
Druhoje miesca ŭ rejtynhu zaniała Marho Robi, jakaja syhrała hałoŭnuju rolu ŭ adnoj z hałoŭnych kinapremjer 2023 hoda «Barbi». Za minuły hod aktrysa zarabiła 59 miljonaŭ dalaraŭ. Za joj u śpisie Forbes staić Tom Kruz, jaki zarabiŭ 45 miljonaŭ dalaraŭ, u tym liku atrymaŭšy prybytak ad vychadu siomaj častki špijonskaha bajevika «Misija nievykanalnaja».
Taksama ŭ rejtynh samych vysokaapłatnych akcioraŭ Forbes za 2023 hod uvajšli: Rajan Hoślinh (43 miljony dalaraŭ), Met Dejman (43 miljony dalaraŭ), Dženifier Enistan (42 miljony dalaraŭ), Leanarda DziKaprya (41 miljon dalaraŭ), Džejsan Stejtchem (41 miljon dalaraŭ), Ben Aflek (38 miljonaŭ dalaraŭ), Denzieł Vašynhton (24 miljony dalaraŭ).
Čytajcie taksama:
Zorka italjanskaha kino zajaviła, što rasijanie — vialikaja nacyja
«Dziuna: častka druhaja» — błakbastar, idealny da skryhatu ŭ zubach
