Bandarenka adkazaŭ Volzie Łojka: Treba nie zdymacca ŭ prapahandysckich prahramach, a supraciŭlacca
Eks-palitviazień, siabar naziralnaj rady fonda «Jeŭrapiejskaja Biełaruś» Dźmitryj Bandarenka ŭstupiŭ u zavočnuju dyskusiju z druhoj byłoj palitźniavolenaj, žurnalistkaj Volhaj Łojka.
Dźmitryj Bandarenka. Fota: asabisty albom Dźmitryja Bandarenki
«Treba supraciŭlacca, nie vyjazdžać, nie łamacca, kolki ŭ ciabie jość sił. Kožny zek, kožny čałaviek sam vyrašaje, jakija ŭ jaho jość formy i sposaby baraćby, my pakidajem za im heta. Adnak treba maksimalna trymacca, — zajaviŭ jon u intervju «Małancy». —
Voś tak prosta, jak ciapier iduć razmovy, hetaja dziaŭčyna Volha Łojka z Tut.by: «Oj, treba adrazu na ŭsio pahadžacca, zdymacca ŭ hetych prapahandysckich prahramach»… Nie! Treba supraciŭlacca. Tamu što jość zvyšludzi, takija jak Mikałaj Statkievič, jak Pavieł Sieviaryniec, jak Palina Šarenda-Panasiuk, jakija vybrali samy ciažki šlach — supraciŭ.
Čytajcie taksama: Volha Łojka raskazała, jak zdymałasia dla prapahandysckaha filma pra Tut.by
Kali my idziom u baraćbu ci navat u žurnalistyku ŭ dyktatarskaj krainie z dumkaj, što «kali mianie aryštujuć, ja ŭsio padpišu adrazu, złamajusia i chucieńka vyjdu».
Nie! Pa-pieršaje, ty možaš usio heta zrabić, a ciabie nie vypuściać. Voś i što tady, na što tabie raźličvać? Tamu treba maksimalna ŭpiracca, treba być biełarusami ŭ hetym płanie, partyzanami, dzie treba — chitryć, dzie treba — praśpiavać, a dzie treba — być vielmi stojkim i navat ahresiŭnym.
— Adna ź fišak łukašenkaŭskaha režymu, jaho represiŭnaj mašyny, — heta pakajannyja videa. Ci pravilna kazać, što ludziej, jakich zdymajuć dla hetych pakajannych videa, złamali?
— Nie chacieŭ by apuskacca ŭ hetyja niuansy. Kaliści ŭ mianie była dyskusija z žurnalistam Aleham Hruździłovičam, jon napisaŭ knihu pra Kavalova i Kanavałava, pra tych ludziej, jakich abvinavacili ŭ vybuchu ŭ minskim mietro ŭ 2011 hodzie.
I jon kaža: «Ale jany ž pryznalisia, ich ža nie bili». Ja kažu: «Aleh, ty naiŭny. Tamu što navat kali mianie vadzili na dopyt, mnie ruki ŭ kajdankach padymali, jašče paračku raz mahli pa darozie stuknuć hałavoj ab ścianu, nie z usiaho razmachu, ale adčuvalna». Kali ty prychodziš u pakoj, ty nie viedaješ, što tam budzie adbyvacca, jak. Kahości bjuć pierad zapisam videa, roznymi sposabami, vielmi surjozna. Tut, sapraŭdy, nie davodzicca asudžać hetych ludziej.
Čytajcie taksama:
Dźmitryj Bandarenka: Asensavaŭ siabie aficeram biełaruskaha supracivu
Vaš płan usio toj ža - pamirać tysiačami na barykadach, zakidać miasam u nadziei na niešta? Sami hatovyja byli pamierci?
Łukašenka zanadta bajaźlivy, kab atrucicca. Źbieh by da Vovy, viarnuŭsia b z rasiejskimi tankami. Va Ŭkrainie toj samy scenaryj, tolki ŭ ich byli dziasiatki hadoŭ dla pabudovy svajoj niezaležnaj armii, a ŭ nas nie było b i tydnia na toje.
Paprakajecie ludziej, pry hetym svaje alternatyvy ŭ vas nie mienš utapičnyja. I poza pa-nad schvatkaju.
1. Paŭtarajecie pa kruzie tolki adzin svoj arhumient-pretenziju, na 2/3 sustrečnych arhumientaŭ i pytańniaŭ nie reahujecie, bo adkazu nie majecie.
2. Alternatyŭny płan dziejańniaŭ majecie, ale jon jašče bolš utapičny i bieznadziejny, čym toje, što adbyłosia ŭ 2020-m.
3. Nieviadoma, dzie byli sami ŭ 2020-m, čamu nie ŭznačalili "pravilny" pratest pa svajmu płanu, čamu zaraz nie pracujecie nad płanam, kali jon vydatny.
4. Poza "pa-nad schvatkaju" (abo z "chaty skraju") značna źnižaje aŭtarytetnaść "krytyka". Tut bolš samaśćviardžeńnie, navat žadańnie pahryźci svaich. Kali čałavieku balić, takija pryjarytety dla jaho nie hałoŭnyja, jon razvažaje inakš.