Znajści
Ałharytmičny łacinski varyjant
19.02.2024 / 20:538RusŁacBieł

Ci moža śmierć Navalnaha padšturchnuć rasiejcaŭ da baraćby za svabodu? 

Pra toje, jak u rasijskim apazicyjnym i pravaabarončym asiarodździ ŭspryniali paviedamleńnie pra śmierć Alaksieja Navalnaha i ci moža heta padšturchnuć rasijskaje hramadstva da niejkich aktyŭnych dziejańniaŭ, «Radyjo Ŭnet» spytała Jana Račynskaha, staršyniu praŭleńnia «Mižnarodnaha Miemaryjała», uznaharodžanaha ŭ 2022 hodzie Nobieleŭskaj premijaj miru i likvidavanaha rašeńniem rasijskaha suda.

Jan Račynski

— Niezaležna ad kankretnaj farmalnaj pryčyny śmierci, heta, biezumoŭna, palityčnaje zabojstva. Usie papiarednija pieraśledavańni Navalnaha, usie hetyja biessensoŭnyja chłuślivyja abvinavačvańni, hetyja biaskoncyja źmiaščeńni ŭ ŠYZA, dzie jon pravioŭ užo bolš za 300 dzion, — heta, biezumoŭna, imknieńnie ŭładaŭ izalavać jaho i pazbavić jaho mahčymaści kamunikavać. Nu i, biezumoŭna, heta ŭpłyvała na stan zdaroŭja. U lubym vypadku biez namahańniaŭ ułady Alaksiej Navalny siońnia byŭ by žyvy. 

— Ci sapraŭdy śmierć Navalnaha zaraz nie vyhadnaja ŭładam Rasii? 

— Lubaja aŭtarytarnaja ŭłada pavodle svajoj pryrody bajaźlivaja. Jana baicca pačynać sprečki, dyskusiju z apanientami. Jana addaje pieravahu inšym mietadam. I my čuli ŭžo i z nahody zabojstva Anny Palitkoŭskaj, što skazaŭ prezident Pucin tady — całkam anałahičny tezis vyłučyŭ.

I zaraz my bačym, što rabiła ŭłada. Heta nie była inicyjatyva cełaha šerahu sudoŭ, kab vystaŭlać falšyvyja abvinavačvańni, heta nie była inicyjatyva asobnych turemščykaŭ, kab usio horšyja i horšyja ŭmovy stvarać dla Navalnaha. Nie vypadkova i advakaty Navalnaha zaraz apynulisia ŭ źniavoleńni. Heta paśladoŭnyja dziejańni ŭładaŭ. I sproby zaraz skazać, što jany ni pry čym — mała chto moža ŭ heta pavieryć.

— Ci moža śmierć Navalnaha padšturchnuć rasiejcaŭ da bolš aktyŭnaha supracivu ŭładzie? 

— Na hetych vybarach supraćdziejańnie mała mahčymaje. Čatyry kandydaty, ź jakich anivodny nie źjaŭlajecca nijakim praciŭnikam Pucina ani ŭ najmienšaj stupieni, ci praciŭnikam ciapierašniaha palityčnaha kursa. Tamu pratesnaje hałasavańnie niejkaje mahčymaje, ale pradkazać jahonyja maštaby ciažka. 

Viadoma navat z aficyjnych apytańniaŭ, što prynamsi 20% rasijskaha nasielnictva nie padtrymlivajuć ciapierašniuju palityku. Ale ŭ hetych 20% niama anivodnaha pradstaŭnika ŭ tak zvanym parłamiencie. I heta charaktaryzuje «pradstaŭničaść» hetaj pradstaŭničaj ułady.

Nu i, znoŭ ža, varta nie zabyvacca, što, adrozna ad bałtyjskich krain ci ad zachodniaj Ukrainy, Rasija ŭsio ž taki 70 hadoŭ poŭnych była pad savieckaj uładaj. Usialakija navyki samaarhanizacyi hramadstva byli źniščanyja. I tak chutka jany nie adnaŭlajucca, tym bolš što ŭłada nie nadta hetamu spryjała, skažam miakka. 

Tamu niejkija prajavy pratestu jość i buduć. Nakolki jany ŭzmacniacca, ciažka skazać, navat niahledziačy na hetuju žachlivuju trahičnuju padzieju. 

— Ci budzie niejkaja reakcyja suśvietnaj supolnaści, na jakuju zmušany budzie reahavać Kreml? 

— Reakcyja ŭžo była. Užo vykazaŭ pazicyju ES, užo vykazali svaju reakcyju jašče ceły šerah suśvietnych palitykaŭ.

Ale da svajoj reputacyi rasijskija ŭłady ŭžo daŭno staviacca bieź cikavaści, bo sapsavać reputacyju ŭžo nielha. Jana ŭžo sapsavanaja da apošniaha ŭskrajku. Reahavać naŭrad ci jany buduć.

I znoŭ ža, dla suśvietnaj supolnaści paśla vykazvańniaŭ Pucina ŭ apošnim intervju pra patryjatyčnych zabojcaŭ, naŭrad ci niešta źjaviłasia novaje dla acenki pierśpiektyŭ supracoŭnictva. 

Čytajcie taksama:

Cieła Navalnaha nie addaduć svajakam jašče 14 dzion

«My viedajem, za što kankretna Pucin zabiŭ Alaksieja. My chutka vam raskažam». Julija Navalnaja zapisała zvarot da rasijan

Piaskoŭ zajaviŭ, što Kreml «nie zajmajecca» spravaj Navalnaha

Maci i advakataŭ Navalnaha nie puskajuć u morh, dzie, imavierna, znachodzicca cieła palityka

Rasijskija žurnalisty znajšli videa z kartežam, u jakim mahli pieravozić cieła Navalnaha

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
5
Панылы сорам
5
Ха-ха
3
Ого
1
Сумна
2
Абуральна
8
0
FL/adkazać/
20.02.2024
Boba , potomu čto oni vybierut siebie novoho caria, novoho putina
0
s orkami i tak vsie poniatno/adkazać/
20.02.2024
nie. Tak kak 90% orkov vieriat, čto eto Ukraina napała na orkostan. pričiem dvaždy. Tarhiet hruppa Navalnoho - eto 4-5% maksimum
0
babrujčanin/adkazać/
20.02.2024
Dźla Biełarusi pažadana kab ..pačałoś i atrymałaś.. Usie kamienty pa ruski pad hietym tekstam dźla mianie śviedčać ab tym čto paśla " uschodnich štampau" tannaj prapahandy trapili pad upłyu zusim " abmiežavannych" prapahandystau z poudnia ci prymazaušych ..Kštałtu babčanka Dima B Nieuzorau ..ińšych Pjanych ..
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera