Tekst dyktoŭki da Dnia rodnaj movy pryśvieciać 100-hodździu Vasila Bykava
Pradstaŭnica pa nacyjanalnym adradžeńni Abjadnanaha pierachodnaha kabinieta Biełarusi Alina Koŭšyk zaprašaje biełarusaŭ pryniać udzieł u ahulnaj dyktoŭcy da Dnia rodnaj movy, jaki śviatkujecca 21 lutaha.
«Sioleta Pradstaŭnictva pa nacyjanalnym adradžeńni Kabinieta prapanuje dla dyktoŭki tekst, prymierkavany da 100-hodździa z dnia naradžeńnia narodnaha piśmieńnika Biełarusi Vasila Bykava, jakomu naležać hetyja prostyja i mudryja słovy: «Ja — biełarus, maja rodnaja mova — biełaruskaja».
Pryniać udzieł u dyktoŭcy — ci navat arhanizavać jaje — moža kožny. Dyktoŭku možna pravieści ŭ škole, va ŭniviersitecie, u luboj publičnaj prastory, na pracy ci ź siabrami.
Tekst dyktoŭki budzie dasłany ŭsim arhanizataram, jakija źviernucca praz poštu [email protected].
«Dałučajciesia ŭsioj Biełaruśsiu, dzie b vy ni byli! Nie sumniajusia, słovy našaha kłasika, lidara Adradžeńnia praniknuć u sercy ŭdzielnikaŭ dyktoŭki i padtrymajuć nacyjanalny honar i luboŭ da rodnaj movy», — havoryć Alina Koŭšyk.
Čytajcie taksama:
Abvieščany litaraturny konkurs da 100-hodździa Vasila Bykava. Pryz — vydańnie knihi
Vystavu da jubileju Bykava zhortvajuć praz 10 dzion paśla adkryćcia
Jak Vasil Bykaŭ raźbiraŭsia ŭ kampjutary. Pahladzicie, jaki miły artefakt jość u muziei FOTAFAKT
