Novaja viersija «Majstra i Marharyty» lidziruje ŭ minskim prakacie
Tut hałoŭnym hierojem źjaŭlajecca Vołand.
U roli Vołanda źniaŭsia niamiecki akcior Aŭhust Dzil, jaki syhraŭ aficera hiestapa ŭ Inglourious Basterds Tarancina (scena ŭ bary, dzie jon raskryŭ niamieckich padpolščykaŭ)
U minskim kinavideaprakacie nazvali top-5 filmaŭ, pakazanych z 22 pa 28 studzienia. Na pieršym miescy novaja viersija «Majstra i Marharyty» Michaiła Łokšyna.
Zhodna ź siužetam u Maskvie 1930-ch viadomy piśmieńnik na ŭźlocie svajoj karjery raptam akazvajecca ŭ centry litaraturnaha skandału. Śpiektakl pa jaho pjesie zdymajuć z repiertuaru, kalehi demanstratyŭna paźbiahajuć sustrečy, u ličanyja dni jon pieratvarajecca ŭ izhoja.
Nieŭzabavie paśla hetaha jon znajomicca z Marharytaj, jakaja stanovicca jaho kachanaj i muzaj. Natchniony jaje kachańniem i padtrymkaj piśmieńnik biarecca za novy raman, dzie piersanažy — heta ludzi ź jaho atačeńnia, a hałoŭny hieroj — zahadkavy Vołand, pravobrazam jakoha stanovicca niadaŭni znajomy zamiežnik.
Taksama ŭ lidarach prakatu rasijskaja ekranizacyja «Bremienskich muzykantaŭ» taksama ŭ novym čytańni, amierykana-brytanski bajavik «Pčalar», rasijskaja kamiedyja «Chałop 2», a taksama novaja častka multfilma pra ruskich vołataŭ «Try vołaty i Pup Ziamli».
Čytajcie taksama:
Ikonu suśvietnaha kino, 88-hadovaha Alena Dełona pryznali niedziejazdolnym
Biełaruski akcior źniaŭsia ŭ filmie, jaki atrymaŭ čatyry ŭznaharody ŭ Kanach
