Rasijski prapahandyst Krasoŭski trapiŭ u balnicu. Ukrainskija ŚMI śćviardžajuć, što jaho atruciła HUR
Były supracoŭnik Russia Today Anton Krasoŭski, jaki zaklikaŭ zabivać ukrainskich dziaciej, paviedamiŭ pra svaju špitalizacyju.
«U pačatku tydnia rezka skruciła žyvot, pačało vanitavać, potym straciŭ prytomnaść. Advieźli ŭ kliniku. Pastupova prychodžu ŭ siabie», — napisaŭ uviečary 24 śniežnia Krasoŭski ŭ svaim telehram-kanale.
U toj ža čas va ŭkrainskich ŚMI stali źjaŭlacca paviedamleńni, što za hetym moža stajać HUR. Vydańnie Kyiv Post sa spasyłkaj na krynicu ŭ raźviedcy paviedamiła, što rasijskaha prapahandysta atrucili.
Surazmoŭca žurnalistaŭ śćviardžaje biez padrabiaznaściej, što stan Krasoŭskaha «praciahvaje paharšacca» i «vierahodna, apošnija paviedamleńni ŭ siecivie jon pisaŭ užo nie sam».
Anton Krasoŭski da kastryčnika 2022 hoda ŭznačalvaŭ «RT Rasija». Jaho zvolnili paśla taho, jak jon u efiry zaklikaŭ tapić i palić ukrainskich dziaciej. Va Ukrainie jaho zavočna asudzili na piać hadoŭ pazbaŭleńnia voli.