Biełarusizavałasia dziciačaje charčavańnie Bambolina
Pra toje, što ŭdałosia dabicca źjaŭleńnia biełaruskaj movy na ŭpakoŭcy dziciačaha charčavańnia ad firmy Bambolina, paviedamiŭ u sacyjalnych sietkach Ihar Słučak.
Fota: facebook.com/ihar.sluchak
Pisać zvaroty da biełaruskich vytvorcaŭ dziciačaha charčavańnia Ihar Słučak z aŭtarkaj knihi «Mova 404» Alinaj Nahornaj pačali niekalki hadoŭ tamu, adrazu paśla naradžeńnia ŭ ich syna Stefana. Usim im jany dasłali listy jašče ŭ kancy 2020 hoda. Ale doŭhi čas išli adnyja admovy z roznymi adhavorkami.
Urešcie ŭ vieraśni 2021 hoda kampanija «Aazis Hrup» adkazała, što dadaść biełaruskuju movu na svaju pradukcyju, kali źjavicca techničnaja mahčymaść. I ŭ sakaviku 2023 hoda biełaruskaje apisańnie narešcie źjaviłasia na patčach piure i pakunkach soku Bambolina, jaki vypuskaje kampanija.
Ciapier Ihar i Alina praciahvajuć pierapisku z «Aazis Hrup» pa pytańni źjaŭleńnia biełaruskaj movy i na šklanych słoikach Bambolina. Pakul vytvorca admaŭlaje, ale jość spadziavańnie, što jaho ŭdasca niekali dacisnuć i tut.
U kožnym razie Bambolina — pieršaje dziciačaje charčavańnie ź biełaruskaj movaj, jakoje vypuskajecca masava, a nie limitavanymi partyjami.
Čytajcie taksama:
Alina Nahornaja i Ihar Słučak stali baćkami ŭ druhi raz
