Ci čakać ciapła i daždžoŭ na nastupnym tydni? Prahnoz sinoptykaŭ
Nastupny tydzień pačniecca z tempieratur nižejšych za normu. Ale ci pryjduć doŭhačakanyja daždžy? Pra heta sinoptyk Dźmitryj Rabaŭ raskazaŭ na ANT.
Na nastupnym tydni ŭ Biełaruś pryjdzie prachałoda, tempieratura budzie krychu nižejšaj za normu. Suchoje nadvorje ŭ bolšaści rajonaŭ krainy zachavajecca. U asobnych častkach projduć niepraciahłyja daždžy, ale zasucha budzie panavać.
Pačynajučy z paniadziełka ŭ krainie budzie pieramiennaja vobłačnaść, biez daždžoŭ, tolki na poŭdni i paŭdniovym zachadzie mahčymyja daždžy, imavierna z navalnicami. Unačy tempieratura pavietra składzie +7°C…+12°C, dniom u paniadziełak budzie ad +9°C na paŭdniovym zachadzie da +19°C na ŭschodzie, u aŭtorak ad +14°C u Bresckaj vobłaści da +21°C u Viciebskaj.
Pačynajučy ź sierady nadvorje trochi pamianiajecca. Budzie znoŭ biez daždžoŭ, ale mahčyma, što dniom na paŭdniovym zachadzie projduć karotkačasovyja daždžy. Nočču ŭ sieradu +9°C…+14°C, dniom +18°C…+22°C.
Z čaćviarha na zachadzie krainy projduć daždžy roznaj intensiŭnaści, miescami mahčymyja navalnicy, na astatniaj terytoryi — biez apadkaŭ. Dniom u čaćvier budzie ad +20°C da +24°C.
Pa papiarednich źviestkach, u vychadnyja stanie haračej. U niadzielu na paŭnočnym zachadzie krainy projduć navalnicy. Dniom u subotu budzie ad +23°C da +27°C, u niadzielu pavietra prahrejecca da +24°C…+28°C.
skažycie lepš - jaki adsotak etničnych russkich u vašaj krainie?