Znajści
Ałharytmičny łacinski varyjant
05.06.2023 / 16:295RusŁacBieł

Minabarony Biełarusi vydzieliła rekordnyja 3,1 młn rubloŭ na zakup bieśpiłotnikaŭ «Supierkam». Takija ž madeli Rasieja vykarystoŭvała va Ukrainie

Ministerstva abarony Biełarusi vyrašyła zakupić rasiejskija taktyčnyja bieśpiłotnyja avijacyjnyja kompleksy. Tendar koštam 3,1 młn rubloŭ BRC znajšoŭ na partale dziaržzakupak.

Krynica: supercam.aero

Havorka idzie pra dva kompleksy «Supierkam S-350» (ci anałahi) i pra adzin kompleks «Supierkam S-150» (ci anałah). U kamplekt uvachodziać sam bieśpiłotnik, kiravanyja videakamiery, batarei, srodki dystancyjnaha kiravańnia, płanšet i inšyja pryłady.

Bieśpiłotniki «Supierkam» raspracoŭvaje rasiejskaja kampanija «Bieśpiłotnyja sistemy». «Supierkam S-350» — adzin z fłahmanskich praduktaŭ.

Kompleks vykarystoŭvajuć dla videamanitorynhu. Maksimalnaja praciahłaść palotu hetaha BPŁA — 4,5 hadziny. Pry hetym jon moža pieradavać infarmacyju na adlehłaść da 100 kiłamietraŭ.

Na sajcie vytvorcy paznačana, što kompleks možna vykarystoŭvać dla «nazirańnia i raźviedki», a taksama dla abarony dziaržaŭnych miežaŭ.

«Supierkam S-150» maje bolš ścipłyja charaktarystyki. Maksimalny čas palotu — 2 hadziny, a maksimalnaja adlehłaść dla pieradačy infarmacyi — 25 kiłamietraŭ.

Takija bieśpiłotniki Rasieja jak minimum dvojčy — u listapadzie i ŭ studzieni — vykarystoŭvała dla raźviedki na terytoryi Ukrainy.

Heta ŭžo treci — i samy darahi — taki tendar viedamstva z pačatku vajny. U mai minułaha hoda Minabarony vydatkavała bolš za 1,8 młn rubloŭ na kuplu niekalkich dziasiatkaŭ bieśpiłotnikaŭ DJI Mavic 2 Enterprise Advansed, a ŭ červieni minułaha hoda — 2 młn rubloŭ na kompleksy «Supierkam S-350» abo anałahi.

Da hetaha vajskovaje viedamstva zakuplała bieśpiłotnyja sistemy tolki adnojčy — u 2021 hodzie, pišuć rasśledavalniki.

Čytajcie taksama: 

Ukraina stvaryła ŭ Rasii sietku ahientaŭ i pieradaje im drony kantrabandaju — ŚMI 

MNS daduć amal miljon na łodki i drony

Homielskaja MNS vystaviła na prodaž pažarnuju retramašynu Mercedes. Kolki kaštuje 50-hadovaja śpiectechnika?

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
1
Zihmund Niefriejd/adkazać/
05.06.2023
SuperCum
1
Bhagawan/adkazać/
05.06.2023
Nie pieraškadžajcie vorahu sralać sabie ŭ nohu :)
0
Jahor/adkazać/
05.06.2023
U Biełarusi piatok firm vystaŭlali bieśpiłotniki na "Mileksach". I dzie ž jany?
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera