U Minsku rabotnica sałona pryhažości źbiehła ad rabotnikaŭ padatkovaj praz akno
Dobra, što sałon znachodzicca na pieršym paviersie.
«Učora padčas pravierki sałona pryhažości adna rabotnica śfiery pasłuh tak pierachvalavałasia, što pakinuła svajo pracoŭnaje miesca praz akno. Bałazie, ustanova raźmieščanaja na pieršym paviersie», — raskazali Tochka.by u padatkovaj.
Vyjaviłasia, što ŭ sałonie akazvali miedycynskija pasłuhi biez dazvołu na toje Ministerstva achovy zdaroŭja — rabili łaziernuju epilacyju.
«Pavažanyja biznesoŭcy, my razumiejem, što sałon pryhažości biez pakieta miedycynskich pasłuh — heta jak restaran bieź vinnaj karty, ale, prymajučy rašeńnie ab akazańni miedycynskich pasłuh, nie paličycie za pracu źviarnucca ŭ Ministerstva achovy zdaroŭja pa adpaviedny dazvoł», — nahadali ŭ padatkovaj inśpiekcyi.
Dniami ŭpraŭleńnie apieratyŭnych mierapryjemstvaŭ inśpiekcyi MPZ pa Minsku zazirnuła i ŭ inšyja sałony pryhažości. I znajšli tam adno z samych častych parušeńniaŭ — utojvańnie najaŭnaj vyručki. Ciapier treba budzie vyjavić koła ŭciahnutych asob.
