U Kijevie paćvierdzili ŭdzieł režymu Łukašenki ŭ prymusovym pieramiaščeńni ŭkrainskich dziaciej
Režym Łukašenki maje niepasrednaje dačynieńnie da hvałtoŭnaha vyvazu ŭkrainskich dziaciej i vajennapałonnych. Pra heta 31 maja raspavioŭ ahienctvu «Ukrinfarm» upaŭnavažany Viarchoŭnaj Rady Ukrainy pa pravach čałavieka Dźmitryj Łubiniec. Raniej za takoje byŭ vydadzieny mižnarodny ordar na aryšt Pucina.
Ilustracyjny zdymak. Fota: AP
Pavodle słoŭ Dźmitryja Łubinca, ukrainskija ŭłady majuć nieabchodnaje paćviardžeńnie hetaha fakta.
«U nas jość paćviardžeńnie taho, što praz terytoryju Biełarusi pry niepasrednym udziele biełaruskich uład adbyvałasia prymusovaje pieramiaščeńnie ŭkrainskich dziaciej, hramadzianskich zakładnikaŭ i našych vajennapałonnych», — zajaviŭ Łubiniec.
Nahadajem, što jašče ŭ sakaviku hetaha hoda z-za takoha ž abvinavačańnia Mižnarodny kryminalny sud vydaŭ aficyjny ordar na aryšt Uładzimira Pucina i ŭpaŭnavažanaj pa pravach dziaciej Maryi Białovaj.
Z taho času biełaruskija demakratyčnyja siły razam ź inšymi dziaržavami i abjadnańniami sprabujuć dakazać udzieł režymu Łukašenki ŭ takim ža samym złačynstvie, kab pryciahnuć jaho da adkaznaści.
Čytajcie taksama:
Parłamienckaja asambleja Rady Jeŭropy pryznała Łukašenku datyčnym da departacyi ŭkrainskich dziaciej
