Znajści
Ałharytmičny łacinski varyjant
29.05.2023 / 16:186RusŁacBieł

Polšča ŭviała za Pačobuta novyja sankcyi suprać biełaruskich čynoŭnikaŭ i siłavikoŭ

Polšča ŭviała sankcyi suprać 365 biełaruskich čynoŭnikaŭ, siłavikoŭ i supracoŭnikaŭ dziaržaŭnych miedyja, adkaznych za palityčnyja represii ŭ Biełarusi. Pra heta havorycca ŭ zajavie MUS Polščy ŭ suviazi z prysudam žurnalistu i polskamu aktyvistu Andreju Pačobutu.

U novy sankcyjny śpis uklučyli 159 deputataŭ Nacyjanalnaha schodu. Ale admysłovy ich adbor hetym razam nichto nie rabiŭ. MUS Polščy adznačyła, što astatnija deputaty, jakich niama ŭ pieraliku ciapier, prosta byli ŭklučanyja ŭ sankcyjnyja śpisy raniej.

Akramia taho, u śpis uklučanyja 76 sudździaŭ, 7 prakuroraŭ, 32 pradstaŭniki miascovych administracyj, 28 słužbovych asob i supracoŭnikaŭ pravaachoŭnych struktur.

U śpis taksama ŭvajšli pradstaŭniki dziaržaŭnych miedyja, jakija zajmajucca prapahandysckaj dziejnaściu (23 čałavieki), spartsmieny i spartyŭnyja aktyvisty (24 čałavieki), supracoŭniki biełaruskich ofisaŭ, dziaržaŭnych ustanoŭ i pradpryjemstvaŭ (8 čałaviek), ludzi, jakija pracujuć u śfiery kultury i navuki (8 čałaviek).

Pad sankcyi patrapili pradprymalniki, źviazanyja z rasijskim kapitałam. Heta 15 hramadzian Rasii i 1 biełarus. Siarod 20 haspadarčych subjektaŭ, jakija trapili pad sankcyi, 19 źviazanyja z Rasijaj i 1 — ź Biełaruśsiu.

«Hetyja asoby prasoŭvali biełaruski režym, a taksama ŭdzielničali ŭ lehitymacyi i padtrymcy represiŭnaj palityki ŭładaŭ u Minsku. Jany taksama niasuć adkaznaść za palityčna matyvavany prysud u dačynieńni da Andreja Pačobuta, vyniesieny na padstavie łžyvych abvinavačvańniaŭ», — havorycca ŭ zajavie polskaha MUS.

«Asoby, uklučanyja ŭ śpis, taksama źbirali materyjały i viali razhlady z pryčyny ŭdziełu biełarusaŭ u demakratyčnych pratestach. Asoby, uklučanyja ŭ sankcyjny śpis, niasuć adkaznaść za prymianieńnie fizičnych i psichałahičnych katavańniaŭ, źbivańniaŭ, zapałochvańnia i dyskryminacyi ŭ dačynieńni da polskaj mienšaści. Asoby, uklučanyja ŭ śpis, taksama byli datyčnyja da źniščeńnia polskich mohiłak i pomnikaŭ u Biełarusi. Siarod tych, kaho zakranuli abmiežavańni, byli asoby, adkaznyja za arhanizacyju nielehalnaj mihracyi ŭ Polšču i krainy Bałtyi», — taksama ŭdakładniajecca ŭ hetaj zajavie.

Pra namier uvieści novyja sankcyi polski ŭrad paviedamiŭ 26 maja — adrazu paśla taho, jak Viarchoŭny sud Biełarusi razhledzieŭ apielacyju na prysud žurnalistu Andreju Pačobutu i pakinuŭ jaho ŭ sile. U lutym Pačobuta prysudzili da 8 hadoŭ pazbaŭleńnia voli.

Čytajcie taksama:

Deputaty Pałaty pradstaŭnikoŭ u Jeŭrapiejskim sudzie patrabavali źniać ź ich sankcyi. Nie atrymałasia

Prafsajuzy śvietu zaklikali ŭvieści poŭnuju ekanamičnuju błakadu łukašenkaŭskaha režymu

Polšča moža zabaranić ruch praź miažu hruzavikoŭ ź biełaruskimi i rasijskimi numarami

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Niepiśmienny/adkazać/
29.05.2023
I chto hetyja 8 čałaviek ad "navuki"?
1
Alek. Ru/adkazać/
29.05.2023
Nu i nie pajeduć jany ŭ Jeŭropu, dyk kreŭnyja ich pajeduć, jany ž nie ŭ śpisach
0
Bienia/adkazać/
29.05.2023
A čto eto za vip-piersona?
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031