U Minsku vajskoŭcy vystavili błokpost. Što adbyvajecca?
Ludzi ŭ chaki pierakryli adnu z vulic u stalicy.
Minčuki dasłali ŭ redakcyju Tochka.by nastupnyja videa: u mikrarajonie Łošyca pasiarod darohi pastavili błokpost — bietonnyja błoki i miaški ź piaskom. Za imi chodziać ludzi ŭ vajskovaj formie.
Vyśvietliłasia, što vajskoŭcy pierakryli vulicu Uładzisłava Syrakomli ŭ samym jaje kancy. Miesca nieprykmietnaje, u tupiku — la čyhunačnaha prypynku «Łošyca».
Błokpost vyhladaje tak: miaški ź piaskom, bietonnyja błoki i šłahbaum. Pobač palavy łahier — namiot nakryli maskirovačnaj sietkaj.
Vajskoŭcy raskazali, što idzie treniroŭka vojskaŭ terytaryjalnaj abarony. Praciahniecca jana jašče prykładna tydzień.
Terabarona trenirujecca pa ŭsioj krainie. Nie tolki na ziamli, ale navat na vadzie. Vajskovyja zbory prachodzili 26 maja na race Sož.
«Terytaryjalnaja abarona ź sistemy, jakaja zabiaśpiečvaje, transfarmujecca ŭ paŭnavartasnuju bajavuju», — zajaviŭ ministr abarony Viktar Chrenin na adkryćci vajskovaha zboru.
Pa zadumcy treniroŭki, bajcy terytaryjalnych vojskaŭ łavili ŭmoŭnych dyviersantaŭ. Terabaronie dapamahaŭ desant sił śpiecyjalnych apieracyj.
Čytajcie taksama:
Na vučeńni terytaryjalnaj abarony ŭ Navahrudskim rajonie paklikali staršyniaŭ rajvykankamaŭ
Apublikavany prajekt zakona pra narodnaje apałčeńnie. Raskazvajem, što ŭ im
Chrenin raskazaŭ hubiernataram i abłasnym kamisaram, jak pravilna baranić harady i vioski
