Znajści
Ałharytmičny łacinski varyjant
27.05.2023 / 08:091RusŁacBieł

Akciory filma «Ramea i Džuljeta» prajhrali pazoŭ, padadzieny z-za sceny z ahaleńniem

Sudździa ŭ Łos-Andželesie maje namier adchilić pazoŭ zorak filma 1968 hoda «Ramea i Džuljeta», jakija abvinavačvali režysiora Franka Dzefireli i kinakampaniju Paramount Pictures u tym, što ich prymušali zdymacca aholenymi i takim čynam padviarhali seksualnamu hvałtu.

Kadr ź filma Franka Dzefireli «Ramea i Džuljeta»

Alivija Chasi i Leanard Uajtynh, jakija syhrali dvuch hałoŭnych hierojaŭ šekśpiraŭskaj trahiedyi, śćviardžali, što kłasik kiniematohrafa nastajaŭ na ŭdziele ŭ aholenych scenach, niahledziačy na svaje papiarednija zapeŭnivańni ab tym, što im nie pryjdziecca hetaha rabić. Na momant zdymak Chasi było 15 hadoŭ, a Uajtynhu — 16, piša Bi-bi-si.

Adnak sudździa pastanaviła, što scena nie była «dastatkova seksualnaj», kab u hetym vypadku nie pracavała pieršaja papraŭka da Kanstytucyi ZŠA (u jakoj havorka idzie pra svabodu słova).

U papiaredniaj pastanovie, apublikavanaj u čaćvier, sudździa Elisan Makienzi zajaviła, što pazoŭniki vybirali tolki vyhadnyja im zakony, prydatnyja da ich spravy.

Advakaty paviedamili amierykanskim ŚMI, što majuć namier padać asobny pazoŭ u Fiederalny sud. U sumiesnaj zajavie Chasi i Uajtynh zajavili, što praciahnuć baraćbu. «My čakali spraviadlivaści 55 hadoŭ. Miarkuju, nam daviadziecca pačakać jašče daŭžej», — skazali jany.

U svaim pazovie akciory, jakim ciapier za 70, śćviardžajuć, što Franka Dzefireli (režysior pamior u 2019 hodzie) pieršapačatkova skazaŭ, što padčas zdymak sceny ŭ spalni jany buduć nasić nižniuju bializnu cialesnaha koleru.

Ale Chasi i Uajtynh śćviardžajuć, što pierad tym, jak zapracavała kamiera, režysior papiaredziŭ ich, što zdymacca pryjdziecca biez adzieńnia — tolki z vykarystańniem hrymu dla cieła.

Pry hetym jon zapeŭniŭ ich, što kamiera budzie raźmieščanaja takim čynam, kab nie pakazvać ich hołymi. Ale ŭ filmie, jaki staŭ kłasikaj suśvietnaha kino, nienadoŭha pakazany aholenyja jahadzicy Uajtynha i aholenyja hrudzi Chasi.

Jak śćviardžajuć pazoŭniki, Dzefireli kazaŭ im, što jany ŭsio ž taki pavinny zdymacca aholenymi, inakš karcina pravalicca, a ich budučaj karjery budzie naniesiena škoda. Akciory ličyli, što ŭ ich niama inšaha vybaru.

Akciory patrabavali kampiensacyi škody ŭ pamiery bolš za 500 młn dalaraŭ — heta suma ŭličvaje dušeŭnyja pakuty, jakija, pa ich słovach, jany adčuli, i dachody, atrymanyja ad filma z momantu jaho vychadu na ekran.

Choć u intervju vydańniu Variety ŭ 2018 hodzie Chasi abaraniała «aholenuju» scenu. «Nichto ŭ maim uzroście nie rabiŭ hetaha raniej», — kazała jana, padkreślivajučy, što Dzefireli źniaŭ heta z hustam. «Heta było treba dla filma», — zajaŭlała aktrysa.

Ekranizacyja «Ramea i Džuljety» Franka Dzefireli atrymała premii «Oskar» za najlepšy film i najlepšuju apieratarskuju pracu. Film vielmi ceniać krytyki, i jaho pakazvajuć u škołach u mnohich krainach śvietu na ŭrokach pra tvorčaść Uiljama Šekśpira.

Čytajcie taksama:

Zorki «Ramea i Džuljety» padali ŭ sud na Paramount za aholenyja zdymki

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Chierli Švajnštejn/adkazać/
27.05.2023
500 młn. dalaraŭ? Niejak mała za aholenuju dupu.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera