Znajści
Ałharytmičny łacinski varyjant
24.05.2023 / 19:3710RusŁacBieł

«Chaču dakazać, što z tyranam možna vajavać». Kamandzir RDK raspavioŭ pra bajavyja dziejańni ŭ Biełharodskaj vobłaści

Ruski dobraachvotnicki korpus (RDK) i lehijon «Svaboda Rasii» raspaviali «Suśpilnamu», za što jany vajujuć. 24 maja na terytoryi Sumskaj vobłaści bajcy sustrakalisia z ukrainskimi i zamiežnymi žurnalistami.

Bajcy Ruskaha dobraachvotnickaha korpusa. 24 maja 2023 h. Usie fota: «Suśpilnie Sumy»

Dzianis z pazyŭnym White Rex — kamandzir Ruskaha dobraachvotnickaha korpusa. Dakładnuju kolkaść sałdat u korpusie jon nie nazvaŭ.

«Samamu maładomu našamu bajcu 19 hadoŭ, samamu starejšamu — 45», — skazaŭ jon.

Pa słovach Dzianisa, mužčyny tolki što vykonvali adno z bajavych zadańniaŭ na terytoryi RF. A ŭ najbližejšy čas jany viernucca, kab vystupić ź inšymi. Z saboj bajcy ŭziali trafiejny bronietransparcior.

Jon abvierh paviedamleńni rasijskich ŚMI pra źniščeńnie RDK i lehijona «Svaboda Rasii». 

«U nas jość trafiejnaja technika, zbroja, jość peŭnyja pośpiechi. Ja chaču dakazać, što z tyranam možna zmahacca, što ŭłada Pucina nie biaźmiežnaja, što FSB moža bić, kantralavać, katavać biazzbrojnych ludziej, ale, jak tolki sustrenucca z poŭnym supraciŭleńniem, jany ŭciakajuć», — dadaŭ bajec.

Lehijon «Svaboda Rasii» paviedamiŭ pra dvuch zahinułych i vaśmi paranienych.

«My bačym, što vajskova-palityčnaje kiraŭnictva absalutna nie padrychtavana da takich situacyj. Doŭha i šmat havaryli pra toje, kab umacavać liniju, traciać na heta miljardy. Kali dachodzić da spravy, usio razvalvajecca, ničoha nie adbyvajecca. Čym macniejšymi my ŭvachodzim na terytoryju Rasijskaj Fiederacyi, tym bolš času im treba, kab apamiatacca i pryniać miery ŭ adkaz», — skazaŭ jon.

Mužčyna taksama skazaŭ, što ŭ korpusa nie chapiła sił, kab całkam kantralavać terytoryju, na jakuju jany ŭvajšli. «Dla nas heta pravierka na tryvałaść. Biezumoŭna, u ramkach hetaj apieracyi my stavim i vajennyja, i palityčnyja mety, i my ich dasiahnuli», — skazaŭ jon.

RDK — vajskovaja čaść Uzbrojenych sił Ukrainy, sfarmavanaja ŭ žniŭni 2022 hoda dla abarony Ukrainy ad rasijskaha ŭvarvańnia. RDK uvachodzić u Internacyjanalny lehijon USU. Jak paviedamiŭ kamandzir RDK Dzianis Nikicin, jany ŭvachodziać u skład 98-ha bataljona «Azoŭ» Dniaproŭskaj vajennaj akruhi.

Adbor u RDK pravodzicca ź liku etničnych ruskich emihrantaŭ, jakija žyvuć va Ukrainie, a taksama ŭ inšych krainach Jeŭropy.

Lehijon «Svaboda Rasii» sfarmavali rasijskija vajskoŭcy ź liku pałonnych. Jany śćviardžajuć, što lehijon stvorany dla baraćby z pucinskim režymam. Da lehijona mohuć dałučycca pałonnyja i byłyja rasijskija vajskoŭcy.

Što viadoma pra situacyju ŭ Biełharodskaj vobłaści

U paniadziełak, 22 maja, u Biełharodskaj vobłaści prahrymieli vybuchi, a paźniej va ŭkrainskich i rasijskich ŚMI zjaviłasia infarmacyja ab prybyćci na hetuju terytoryju rasijskich dobraachvotnikaŭ.

U Hałoŭnym upraŭleńni vyviedki Ukrainy zajavili, što ŭ hetym rehijonie pravodzicca apieracyja pa «stvareńni zony biaśpieki» vyklučna z udziełam hramadzian Rasii.

U pres-słužbie lehijona «Svaboda Rasii» paviedamili, što jany razam z dobraachvotnickim korpusam «stvarajuć demilitaryzavanuju zonu na miažy z RF, adkul nie zmohuć abstrelvać Ukrainu».

Paźniej u Biełharodskaj vobłaści byŭ uviedzieny «režym kontrterarystyčnaj apieracyi». 

U Ofisie prezidenta Ukrainy zajavili, što Ukraina nie maje pramoha dačynieńnia da padziej u Biełharadzie, ale «ź cikavaściu naziraje». 

Udzień 23 maja Ministerstva abarony Rasii zajaviła pra «razhrom» vajskoŭcaŭ RDK i lehijona «Svaboda Rasii».

Čytajcie taksama:

Ukraincy zachapili pamiežny punkt, padyšli da horada Hrajvarana ŭ Biełharodskaj vobłaści

Jak u Kramli adreahavali na ataku DRH u Biełharodskaj vobłaści 

U vyniku ataki ŭ Biełharadskaj vobłaści paranienyja 12 čałaviek, žychary 9 nasielenych punktaŭ «adsielenyja» — hubiernatar

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Antifa/adkazać/
25.05.2023
nie taki jak jość, Ukrainskija pravyja... nu ok, jany za svaju krainu vajujuć. Ale ty prapanuješ reśpiektavać ruskim nacy-avanturystam-piarevaratniam, jak Uajt Reks, Loŭkin ci Maluta, jakija pa zadańni fsb ci pa prykołu vajujuć (pakul) va ŭkrainskim vojsku? Hladzi, tak i Milčakova pačnieš chvalić.
3
78romch/adkazać/
25.05.2023
Na fotohrafijach s prostorv intierniet bolšie čiem dva trupa fihurirujut. Vsia eta brovada - propahanda dla nieokiepšich umov potiencialnych doborovolciev, moł smotritie kak lehko my vojujem zavtra do moskvy dojdiem. A po faktu tolko słova, v t.č o maštabnom kontrnastuplenii... Mirovoje šou v kotorom odni hibnut i stradajut, a druhije łoviat chajp
2
zdydzień/adkazać/
25.05.2023
78romch, oni i ot etoho obosraliś v RF
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031