«Jakija tam pytańni zadajuć?» Ideołahi źviarnuli ŭvahu na «Mazhabojniu»
Pra vychavańnie «paŭnavartasnaha patryjota i hramadzianina Biełarusi» i «źniešni ŭpłyŭ z Zachadu i z Uschodu» havaryŭ namieśnik kiraŭnika Administracyi Łukašenki Ihar Łucki na pasiadžeńni kalehii na temu «efiektyŭnaści arhanizacyi ideałahičnaj i vychavaŭčaj raboty ŭ vyšejšych navučalnych ustanovach», pieradaje BiełTA.
Jon źviarnuŭ uvahu na roznyja aśpiekty raboty z moładździu. Naprykład, rastuć pacyfistami, słužyć u armii nie chočuć.
«Pa-raniejšamu mocny ŭpłyŭ čužych kaštoŭnaściaŭ, a nie pravasłaŭja. Siarod moładzi bolš papularnyja Chełoŭin i Dzień śviatoha Valancina zamiest tradycyjnych dla Biełarusi Vialikadnia, Siomuchi, Rastva», — cytuje Łuckaha BiełTA.
Jak jašče adzin prykład niedachopaŭ u vychavańni moładzi Łucki niečakana pryvioŭ papularnuju ŭ roznych krainach śvietu intelektualnuju hulniu «Mazhabojnia». Heta pab-kviz — viktaryna, u jakuju hulajuć kamandami ŭ barach. Hulnia ŭ pieršuju čarhu zabaŭlalnaja, tamu pytańni praściejšyja, čym, naprykład, u «Što? Dzie? Kali?». Pryz — vialikaja butelka šampanskaha.
«Jakija tam pytańni zadajuć? Što na ich adkazvajuć našy dzieci? A jany aktyŭna ŭdzielničajuć u hetym… My navat nie padbirajemsia da hetaha. Źviarnicie na heta ŭvahu, prarektary pa vychavaŭčaj rabocie i rektary VNU», — skazaŭ jon.
Łucki narakaje, što niama inicyjatyvy na miescach. «Niama reakcyi na hety momant. Jana adsutničaje. Pakul nie pchniom — nie pojdziem». Adzin z apošnich prykładaŭ, pavodle jaho, — film ANT «Zabojnaja pasyłka», jaki, miarkuje jon, treba pakazvać moładzi, «ale ŭ hetym sensie inicyjatyvy ź miescaŭ, ad prarektaraŭ, dekanaŭ, namdekanaŭ pa vychavaŭčaj rabocie nie nazirałasia».
Čytajcie taksama:
Dziaciej u škołach prymušajuć hladzieć film «Zabojnaja pasyłka»
1) Biełarusy(lićviny) byli unijatami, a paśla maskoŭskaj akupacyi ŭsich prymusova zahaniali ŭ siektu RPC
2) «čto nie dodiełał russkij štyk, dodiełajet russkij činovnik, russkaja škoła i russkij pop»
u "biełaruskich" pravasłaŭnych carkvach usie na rasiejskaj ci na niezrazumiełaj starabałharskaj(jakuju jany nazyvajuć "cierkovnosłavianskoj")
Naprykład u kaściełach razmaŭlajuć na biełaruskaj i ničoha, a dla KHB-RPC siekty bieł mova ŭ Biełarusi - tabu!