19-hadovaha eks-palitviaźnia zatrymali pa novaj spravie. Pryčym zatrymlivali ŭ prysutnaści adnakurśnikaŭ
U Vysokaŭskim ahrarnym kaledžy ŭ Bresckaj vobłaści pakazalna aryštavali dvaich navučencaŭ, padazravanych u źniavazie dziaržaŭnych simvałaŭ Biełarusi (art. 370 KK). Sankcyju na zatrymańnie začytaŭ prakuror Kamianieckaha rajona ŭ prysutnaści navučencaŭ.
Jelisiej Kuźniacoŭ
Jak paviedamiła Hienprakuratura, chłopcy nibyta ŭ noč na 15 maja sarvali try dziaržaŭnyja ściahi na fasadach ustanovy adukacyi, handlovaha abjekta i adździaleńnia pošty ŭ vioscy Vojskaj.
Pa infarmacyi «Bieraściejskaj viasny», adzin z zatrymanych — 19-hadovy Jelisiej Kuźniacoŭ, jaki niadaŭna adbyŭ pakarańnie pa palityčnaj kryminalnaj spravie. U listapadzie 2021 hoda jaho asudzili da 2,5 hoda «chatniaj chimii». U krasaviku 2022 hoda jamu ŭzmacnili pakarańnie i pieraviali ŭ kałoniju na 7,5 miesiaca. U śniežni Jelisiej vyjšaŭ na volu z navapołackaj kałonii № 1.
Čytajcie taksama:
Siłaviki zatrymali jašče adnaho biełarusa, jaki vyrašyŭ viarnucca ŭ krainu
Pakazali zatrymanaha ajcišnika, jaki nibyta viartaŭsia z Polščy ŭ Biełaruś
Pa palityčnaj spravie zatrymali supracoŭnika aptovaj kampanii
