Ašurka, Łobava, Bandarenku paśmiarotna ŭznaharodzili miedalom Ordena Pahoni
Žałobnaje mierapryjemstva prajšło ŭ Biełastoku.
Vysokuju ŭznaharodu Biełaruskaj Narodnaj Respubliki, miedal Ordena Pahoni atrymali 9 vybitnych biełarusaŭ, piaciora ź jakich paśmiarotna — Vitold Ašurak, Eduard Łobaŭ, Mikita Kraŭcoŭ, Raman Bandarenka i Vasil Hrudovik, piša «Viasna».
Taksama siarod uznaharodžanych čaćviora palitźniavolenych: Palina Šarenda-Panasiuk, Uładzimir Hundar, Darja Čulcova i Dzianis Ivašyn. Tolki adna ź ich, ciapier užo byłaja palitźniavolenaja, Darja Čulcova atrymała ŭznaharodu asabista. Astatnija znachodziacca za kratami.
Uručaŭ miedali siabra rady BNR Jaŭhien Vapa.
Miedal Ordena Pahoni vyrableny ŭ Vialikabrytanii. Na hety momant siarod 37 uznaharodžanych palityčnyja viaźni, bajcy, jakija zahinuli va Ukrainie, zahinułyja biełaruskija pratestoŭcy.
