U centry Hrodna źjavicca murał pra palavańnie
Da Dnia horada ŭ Hrodnie źjavicca murał, na jakim buduć namalavanyja histaryčnyja siužety pra palavańnie, paviedamiŭ partał Newgrodno.by.
Hety murał źjavicca na domie №11 pa vulicy Karła Marksa. U karcinu pieratvorycca ściana budynka, što vychodzić na dvor. Aŭtaram jaje stanie viadomy hrodzienski mastak Uładzimir Kačan.
Dom hety — nie vypadkovy, u im mieścicca halereja chałodnaj zbroi «Hryšuk Arsienał». Inicyjataram stvareńnia murała vystupiŭ uładalnik halerei Anatol Hryšuk, padtrymali jaho inicyjatyvu i haradskija ŭłady. Płošča murała budzie bolšaja za 430 «kvadrataŭ».
Tvor budzie adlustroŭvać historyju horada ŭ siužetach i scenach na temu palavańnia.
Zaraz ścianu pryvodziać u paradak, rośpis pačniecca adrazu paśla ramontu. Zaviaršyć jaho płanujuć da Dnia horada, jaki ŭ Hrodnie tradycyjna adznačajuć u vieraśni.
Čytajcie taksama:
Murał «Ziamla pad biełymi kryłami» źjaviŭsia ŭ Breście
«Naradžeńnie». Pahladzicie, jaki murał źjaviŭsia ŭ Salihorsku. FOTY
«Nasustrač śvitanku». Pahladzicie, jaki murał zrabili ŭ Hrodnie FOTY
