Nočču rasijanie atakavali Dnieprapiatroŭskuju vobłaść. Paraniena siem čałaviek
U noč na 22 maja nad Dnieprapiatroŭskaj vobłaściu byli źbityja 15 bieśpiłotnikaŭ i čatyry kryłatyja rakiety. U vyniku ŭdaru jość razbureńni i paciarpiełyja. Pra heta raspavioŭ kiraŭnik abłasnoj administracyi Siarhiej Łysak. Kolki ŭsiaho rakiet i bieśpiłotnikaŭ rasijskaje vojska vypuściła pa rehijonie, jon nie ŭdakładniŭ.
Paškodžańni ŭ Dnieprapiatroŭskaj vobłaści. Fota: dnipropetrovskaODA | Telegram
Siarhiej Łysak raspavioŭ, čto ŭ vyniku ataki ŭ Dniaproŭskim rajonie byŭ paranieny 27-hadovy mužčyna. Jon znachodzicca ŭ balnicy ŭ stanie siaredniaj ciažkaści.
Było paškodžana niekalki budynkaŭ, źniščana bolš za 10 hruzavych i lehkavych aŭtamabilaŭ, stolki ž adzinak śpiectechniki, 25 pryvatnych mašyn i dva aŭtobusy.
U Dniapry paškodžana try budynki pryvatnaha pradpryjemstva.
Pa papiarednich danych, paciarpieła siem čałaviek. Žančyny 52-ch i 70-ci hadoŭ byli špitalizavanyja.
Paškodžany try pryvatnyja damy i dzieviać šmatkvaternych, a taksama dziciačy sad, kramy i administracyjnyja budynki. Raźbita šeść aŭtamabilaŭ.
